الماتى وبلىسىنىڭ تۇرعىنى، قاڭتار وقيعاسىنىڭ قاتىسۋشىسى عالىمبەك بيساەۆ 23 قاڭتاردا پروكۋرور وقىعان ايىپتاۋ اكتىسىنە كەلىسپەيتىنىن ايتىپ، ءوز ۇستانىمىن جاقتاعانى جايلى جەلىدە ۆيدەو تارادى، دەپ حابارلايدى “ادىرنا” ۇلتتىق پورتالى ء“تىل كەسپەك جوق” ارناسىنا سىلتەمە كورسەتە وتىرىپ.
جەتى بالانىڭ اكەسى قاڭتار وقيعاسى كەزىندە جۇمىسسىزدىق ماسەلەسىن كوتەرۋگە بارىپ، دۇربەلەڭدى كورگەن بويدا ۇيىنە قايتقان. ايىپتالۋشى بيساەۆ وزىنە تاعىلعان ايىپتىڭ نەگىزسىز ەكەنىن ايتىپ، سوت زالىندا تارتىسقا ءتۇستى.
[كۋاگەرلەر مەن مەديتسينا ساراپتامالارى راستاعان] پوليتسيانىڭ ازاپتاۋىنا ۇشىراعان كوپبالالى اكەگە قىلمىستىق كودەكستىڭ 272-بابىنىڭ 3-بولىگى، «جاپپاي تارتىپسىزدىككە» قاتىسۋ ايىبى تاعىلعان.
ورايى كەلگەندە ايتا كەتەيىك، الماتىدا «24+1 سوتى» قارالىپ جاتىر. سونىڭ ءبىرى – ايىپتالۋشى بيساەۆ. ءبىر مارقۇم دەرەكتەرى العا تارتىلىپ جانە 24 ادامنىڭ قاتىسۋىمەن ءوتىپ جاتقان اۋقىمدى پروتسەستە كەمى 18 سوتتالۋشى تاعىلعان ايىپپەن كەلىسپەيتىنىن مالىمدەگەن.
“ادىرنا” ۇلتتىق پورتالى
