2023 جىلعى 31 قازاندا قك-ءنىڭ 366-بابىنىڭ 4-بولىگىمەن ايىپتالعان سوتتالۋشى ن. التاەۆقا قاتىستى قىلمىستىق ءىس بويىنشا الدىن الا تىڭدالىم اياقتالدى، دەپ حابارلايدى «ادىرنا» ۇلتتىق پورتالى.
سوتتىڭ ءباسپاسوز قىزمەتىنىڭ مالىمەتىنشە، وتىرىس بارىسىندا سوتقا پروكۋرور تاراپىنان كۋاگەردىڭ بەرگەن جاۋاپتارىنا بايلانىستى ءوزىنىڭ جانە وتباسى مۇشەلەرىنىڭ ومىرلەرىنە بەلگىسىز تۇلعالاردان قاۋىپ ءتونىپ تۇرعاندىقتان، قىلمىستىق ءىستى جابىق سوت وتىرىسىندا قاراۋ تۋرالى ءوتىنىش ءتۇستى.
پروتسەسكە قاتىسۋشىلاردىڭ قاۋىپسىزدىگىن قورعاۋ ماقساتىندا سوت پروكۋروردىڭ ءوتىنىشحاتىن قاناعاتتاندىردى جانە قىلمىستىق ءىستى جابىق سوت وتىرىسىندا قاراۋ تۋرالى شەشىم قابىلدادى.
ەسكە سالايىق، بۇگىن ەكس ۆيتسە-مينيستر نۇرجان التاەۆقا قاتىستى ءىس بويىنشا الدىن الا تىڭدالىم باستالعانىن جازعان ەدىك.
«ادىرنا» ۇلتتىق پورتالى
