Para aldy degen küdıkpen ūstalǧan būrynǧy Mäjılıs deputaty Nūrjan Ältaev 2 ai qamauda otyratyn boldy, dep habarlaidy "Adyrna" ūlttyq portaly.
«Nūrjan Ältaevqa qatysty būltartpau şarasy belgılı boldy. 2023 jylǧy 9 mausymda Astana qalasynyŋ mamandandyrylǧan audanaralyq tergeu soty küdıktı N. Ältaevty 2 ai merzımge küzetpen qamau türındegı būltartpau şarasyn engızdı», - delıngen elorda sotynyŋ habarlamasynda.Eske sala keteiık, 7 mausymda Mäjılıstıŋ eks-deputaty Nūrjan Ältaev para aldy degen küdıkpen ūstaldy. Būl aqparatty Sybailas jemqorlyqqa qarsy ıs-qimyl agenttıgı rastady. Keiınırek Antikor Nūrjan Ältaevtyŋ Abylai Myrzahmetovten ai saiyn 5 myŋ dollar para alyp otyrǧanyn habarlady.
«Nūrjan Ältaev 2018-2019 jyldar aralyǧynda QR Eŋbek jäne halyqty äleumettık qorǧau vise-ministrı bola tūra, jüielı türde «Atameken» ūlttyq käsıpkerler palatasynyŋ basqarma töraǧasy A.İ. Myrzahmetovten para retınde ai saiyn 5 000 AQŞ dollary mölşerınde aqşa qarajatyn alyp otyrdy dep küdıktenedı. Keiınnen Ältaev 2019-2020 jyldar aralyǧynda QR Parlamentı Mäjılısınıŋ deputaty lauazymyn atqara otyryp, Myrzahmetovten para alu boiynşa özınıŋ sybailas jemqorlyq qyzmetın jalǧastyrdy. Jalpy alǧanda, ol para retınde 135 000 AQŞ dollaryn aldy. Būl asa ırı kölem bolyp sanalady», - dep habarlady Antikor.
"Adyrna" ūlttyq portaly
Ūqsas jaŋalyqtar
