ناۋرىز - ۇلىستىڭ ۇلى كۇنi. بۇل كۇنi كۇن مەن ءتۇن تەڭەلەدi. جان-جانۋار تۇلەيدi, جەر-انا جاسارىپ، تابيعات جاڭارادى. ادامزاتتىڭ بويىندا قان جۇگiرiپ، تال-تەرەكتەر بۇرشiك جارادى. قازاقتىڭ سايىن دالاسىن قىزىر بابا كەزiپ، ادام بالاسىنا قۇت-بەرەكە، باق-داۋلەت سىيلايدى. سامارقاننىڭ كوك تاسى ەرiپ، قاسيەتتi قارا جەر، قارا توپىراق بۋسانادى. ۇلى دالانىڭ توسiندە قىزعالداقتار قۇلپىرا ءوسiپ، بەل-بەلەستەرگە قىزىلدى-جاسىلدى كiلەم توسەلەدi. ۇلان-بايتاق قازاقستاننىڭ حالقى جەتi ءتۇرلi دامنەن ناۋرىز كوجە جاساپ، ۇلتتىق سالت-ءداستۇر، ادەت-عۇرىپتاردى ساقتاپ، اي بويى ۇلىستىڭ ۇلى كۇنiن تويلايدى. بۇكiل شىعىس حالقىنا ورتاق بۇل مەيرامدا ارازداسقاندار تاتۋلاسىپ، ءدۇيiم حالىق، مۇقىم ەل اۋىزبiرشiلiكتە بولادى.
ءسۋىر ايىندا حالىقارالىق ينجەنەرلىك-تەحنولوگيالىق ۋنيۆەرسيتەتىندە ناۋرىز مەيرامى ءسان-سالتاناتپەن اتالىپ ءوتتى. جىلدان جىلعا جالعاسىن تاپقان ۇلتتىق ءداستۇر اياسىندا ۋنيۆەرسيتەتتە «قوش كەلدىڭ، ءاز-ناۋرىز!» اتتى مەرەكەلىك ءىس-شارا ۇيىمداستىرىلدى. مەيرام كونتسەرتتىك قويىلىممەن باستالىپ، ناۋرىز – ءساۋىر – مامىر ايلارى جۇرتقا دەگەن ىزگى تىلەكتەرىن ءبىلدىردى. ۇلىستىڭ ۇلى كۇنى قىدىر اتا باستاعان حالىقارالىق ينجەنەرلىك-تەحنولوگيالىق ۋنيۆەرسيتەتىنىڭ كوشى ساحنانىڭ اجارىن اشا ءتۇستى. كوش قاتارىندا حالىقارالىق، رەسپۋبليكالىق، قالالىق وليمپيادالاردىڭ، بايقاۋلاردىڭ جەڭىمپازدارى، عىلىمي گرانت، پاتەنت يەگەرلەرى، دجيۋ-دجيتسۋ، كۇرەس، بوكستان، ورتالىق ازيا، رەسپۋبليكا چەمپيوندارى، ۇزدىك جاس عالىمدار مەن عىلىمي جوبالاردىڭ اۆتورلارى بولدى. الىستان ات تەرلەتىپ كەلگەن قىدىر اتا ەلگە اق باتاسىن بەردى. اس تورەسى ناۋرىز كوجە تاراتىلىپ، ونەرلى ستۋدەنتتەر وقۋ ورداسىن ءان مەن بيگە بولەدى.
حالىقارالىق ينجەنەرلىك-تەحنولوگيالىق ۋنيۆەرسيتەتى اۋىلىندا ۇيىمداستىرىلعان ۇلىستىڭ ۇلى كۇنى مەرەكەسىندەگى ەرەكشە قۋانىشقا بەلگىلى مەملەكەت جانە قوعام قايراتكەرلەرى، تۇركيا، گەرمانيا، قىرعىزستان، وزبەكستان مەملەكەتتەرىنىڭ عالىمدارى، ۋنيۆەرسيتەتتىڭ وقىتۋشى-پروففەسسورلار قۇرامى، ستۋدەنتتەر، ماگيسترانتتار قاتىستى. شاقىرىلعان قۇرمەتتى قوناقتار قاتارىندا: "اكادەميك ءو. ا. جولداسبەكوۆ اتىنداعى مەحانيكا جانە ماشينتانۋ ينستيتۋتىنىڭ " باس ديرەكتورى- تولەشوۆ اماندىق قۋاتۇلى; پروفەسسور، ستامبۋل تەحنيكالىق ۋنيۆەرسيتەتىنىڭ حالىقارالىق باعدارلامالار ۇيلەستىرۋشىسى، پروفەسسور ۆەليەۆ ەلدار يسمايلۇلى; ستامبۋل تەحنيكالىق ۋنيۆەرسيتەتىنىڭ تەحنيكالىق it-ورتالىعىنىڭ ديرەكتورى – مۋستافا حەلۆاچي; م. ادىشەۆ اتىنداعى وش تەحنولوگيالىق ۋنيۆەرسيتەتىنىڭ وقۋ ءىسى جونىندەگى پرورەكتورى – مامىتوۆ ۇلىقبەك جانىشۇلى; "قازاق جەمىس-كوكونىس شارۋاشىلىعى عىلىمي-زەرتتەۋ ينستيتۋتى" باسقارما توراعاسىنىڭ ورىنباسارى – قازىباەۆا ساۋلە جامبىلقىزى; "ج. جيەمباەۆ اتىنداعى قازاق وسىمدىكتەردى قورعاۋ جانە كارانتين عىلىمي-زەرتتەۋ ينستيتۋتى" باسقارما توراعاسى – دۇيسەنبەكوۆ باحىتجان الىشەرۇلى; "التاي گەولوگيالىق-ەكولوگيالىق ينستيتۋتى" ديرەكتورى- مۋزدىباەۆا شاربانۋ اققازينقىزى; "ميكروبيولوگيا جانە ۆيرۋسولوگيا عىلىمي-وندىرىستىك ورتالىعى" باس ديرەكتورىنىڭ عىلىمي جۇمىس جونىندەگى ورىنباسارى – بايماحانوۆا بايكەن بەكارىستانقىزى; "اگروتەحنولوگيالاردى ترانسفەرتتەۋ جانە كوممەرتسيالاندىرۋ ورتالىعى" باسقارما توراعاسى – سادىقوۆ سەرىك تولەۋبايۇلى; "ەكونوميكا ينستيتۋتى" ديرەكتورىنىڭ عىلىم جونىندەگى ورىنباسارى،- اليبەكوۆا گۇلناز جاناتقىزى; «ادىرنا» اقپاراتتىق اگەنتتىگىنىڭ ءبولىم جەتەكشىسى – دينا ليتپين بولدى.
مەرەكەلىك شارادا حالىقارالىق ينجەنەرلىك-تەحنولوگيالىق ۋنيۆەرسيتەت رەكتورى گۇلنار سارسەنبەكوۆا ،
«بارشا الەمدەگى ۇلت پەن ۇلىستى، ەل مەن ەلدى تەڭەستىرەتىن كوكتەمگى وسى ءبىر مەيرام جىل سايىن جاڭارۋ مەن جاسامپازدىقتىڭ مەرەكەسى رەتىندە حالقىمىزعا قۋانىش پەن مول تابىس اكەلسىن!» -دەپ قۇتتىقتاۋ ءسوز سويلەدى.
ۋنيۆەرسيتەتتىڭ «كەربەز» بي توبى - قازاق ءبيىن بيلەپ كەشتىڭ كوركىن كەلتىردى. مەرەكەلىك شارالار بارىسىندا كۇي تارتىس ۇيىمداستىرىلىپ، ارۋ قىزدار اسەم ءان شىرقادى. قول كۇرەسى، ارقان تارتۋ سىندى ۇلتتىق ويىندار ويناتىلىپ، سەگىز قىرلى، ءبىر سىرلى جاستار «قارا جورعا» بيىمەن كوپشىلىكتىڭ كوڭىلىن كوتەردى. ستۋدەنت جاستاردان قۇرالعان انشىلەر توبى “رۋحتى ارۋ” ءانىن شىرقاسا، شەتەلدىك ارىپتەسىمىز وقىتۋشى ريچارد وۆوينكا «بوزجورعا» ءان-شاشۋىن قوناقتارعا تارتۋ ەتتى. التىن كۇننەن نۇر، جەرگە التىن ءدان سەبىلەتىن شاقتا كۇن شۋاقتى بولىپ، ەل قۋانىشقا كەنەلىپ، ناۋرىز مەرەكەسى ناعىز تويعا اينالدى.
مەرەكەلىك شارانىڭ سوڭىن ۋنيۆەرسيتەت رەكتورى باستاعان، پرورەكتورلار، دەكاندار مەن كافەدرا مەڭگەرۋشىلەرى، قۇرىلىمدىق بولىمشە باسشىلارى، پروفەسسورلىق-وقىتۋشىلىق قۇرام، ستۋدەنتتەر مەن ماگيسترانتتاردان قۇرالعان ءبىر توپ قوسىلا «اتامەكەن» ءانىن بىرلەسە ورىنداپ، ۇجىمدىق رۋحتى كوتەرە ءتۇستى. بۇل كورىنىس وسكەلەڭ ۇرپاق ويىندا جوعارى پاتريوتتىق سانا قالىپتاستىرىپ، ءوز ەلىنە دەگەن ماقتانىش سەزىمىن وياتتى.
