Naýryz - Ulystyń uly kúni. Bul kúni kún men tún teńeledi. Jan-janýar túleıdi, Jer-Ana jasaryp, tabıǵat jańarady. Adamzattyń boıynda qan júgirip, tal-terekter búrshik jarady. Qazaqtyń saıyn dalasyn Qyzyr baba kezip, adam balasyna qut-bereke, baq-dáýlet syılaıdy. Samarqannyń kók tasy erip, qasıetti qara jer, qara topyraq býsanady. Uly dalanyń tósinde qyzǵaldaqtar qulpyra ósip, bel-belesterge qyzyldy-jasyldy kilem tóseledi. Ulan-baıtaq Qazaqstannyń halqy jeti túrli dámnen naýryz kóje jasap, ulttyq salt-dástúr, ádet-ǵuryptardy saqtap, aı boıy Ulystyń Uly kúnin toılaıdy. Búkil Shyǵys halqyna ortaq bul meıramda arazdasqandar tatýlasyp, dúıim halyq, muqym el aýyzbirshilikte bolady.
Sýir aıynda Halyqaralyq ınjenerlik-tehnologııalyq ýnıversıtetinde Naýryz meıramy sán-saltanatpen atalyp ótti. Jyldan jylǵa jalǵasyn tapqan ulttyq dástúr aıasynda ýnıversıtette «Qosh keldiń, áz-Naýryz!» atty merekelik is-shara uıymdastyryldy. Meıram konerttik qoıylymmen bastalyp, Naýryz – Sáýir – Mamyr aılary jurtqa degen izgi tilekterin bildirdi. Ulystyń uly kúni Qydyr ata bastaǵan Halyqaralyq ınjenerlik-tehnologııalyq ýnıversıtetiniń kóshi sahnanyń ajaryn asha tústi. Kósh qatarynda halyqaralyq, respýblıkalyq, qalalyq olımpıadalardyń, baıqaýlardyń jeńimpazdary, ǵylymı grant, patent ıegerleri, djıý-djıtsý, kúres, bokstan, Ortalyq Azııa, respýblıka chempıondary, úzdik jas ǵalymdar men ǵylymı jobalardyń avtorlary boldy. Alystan at terletip kelgen Qydyr ata elge aq batasyn berdi. As tóresi naýryz kóje taratylyp, ónerli stýdentter oqý ordasyn án men bıge bóledi.
Halyqaralyq ınjenerlik-tehnologııalyq ýnıversıteti aýylynda uıymdastyrylǵan Ulystyń uly kúni merekesindegi erekshe qýanyshqa belgili memleket jáne qoǵam qaıratkerleri, Túrkııa, Germanııa, Qyrǵyzstan, Ózbekstan memleketteriniń ǵalymdary, ýnıversıtettiń oqytýshy-proffessorlar quramy, stýdentter, magıstranttar qatysty. Shaqyrylǵan qurmetti qonaqtar qatarynda: "Akademık Ó. A. Joldasbekov atyndaǵy Mehanıka jáne mashıntaný ınstıtýtynyń " bas dırektory- Tóleshov Amandyq Qýatuly; professor, Stambýl tehnıkalyq ýnıversıtetiniń halyqaralyq baǵdarlamalar úılestirýshisi, professor Velıev Eldar Ismaıluly; Stambýl Tehnıkalyq ýnıversıtetiniń tehnıkalyq it-ortalyǵynyń dırektory – Mýstafa Helvachı; M. Adyshev atyndaǵy Osh tehnologııalyq ýnıversıtetiniń oqý isi jónindegi prorektory – Mamytov Ulyqbek Janyshuly; "Qazaq jemis-kókónis sharýashylyǵy ǵylymı-zertteý ınstıtýty" Basqarma tóraǵasynyń orynbasary – Qazybaeva Sáýle Jambylqyzy; "J. Jıembaev atyndaǵy Qazaq ósimdikterdi qorǵaý jáne karantın ǵylymı-zertteý ınstıtýty" Basqarma tóraǵasy – Dúısenbekov Bahytjan Álisheruly; "Altaı geologııalyq-ekologııalyq ınstıtýty" dırektory- Mýzdybaeva Sharbaný Aqqazınqyzy; "Mıkrobıologııa jáne vırýsologııa ǵylymı-óndiristik ortalyǵy" bas dırektorynyń ǵylymı jumys jónindegi orynbasary – Baımahanova Baıken Bekarystanqyzy; "Agrotehnologııalardy transfertteý jáne kommerııalandyrý ortalyǵy" basqarma tóraǵasy – Sadyqov Serik Tóleýbaıuly; "Ekonomıka ınstıtýty" dırektorynyń ǵylym jónindegi orynbasary,- Alıbekova Gúlnaz Janatqyzy; «Adyrna» aqparattyq agenttiginiń bólim jetekshisi – Dına Lıtpın boldy.
Merekelik sharada Halyqaralyq ınjenerlik-tehnologııalyq ýnıversıtet rektory Gúlnár Sársenbekova ,
«Barsha álemdegi ult pen ulysty, el men eldi teńestiretin kóktemgi osy bir meıram jyl saıyn jańarý men jasampazdyqtyń merekesi retinde halqymyzǵa qýanysh pen mol tabys ákelsin!» -dep quttyqtaý sóz sóıledi.
Ýnıversıtettiń «Kerbez» bı toby - Qazaq bıin bılep keshtiń kórkin keltirdi. Merekelik sharalar barysynda kúı tartys uıymdastyrylyp, arý qyzdar ásem án shyrqady. Qol kúresi, arqan tartý syndy ulttyq oıyndar oınatylyp, segiz qyrly, bir syrly jastar «Qara jorǵa» bıimen kópshiliktiń kóńilin kóterdi. Stýdent jastardan quralǵan ánshiler toby “Rýhty Arý” ánin shyrqasa, sheteldik áriptesimiz oqytýshy Rıchard Ovoınka «Bozjorǵa» án-shashýyn qonaqtarǵa tartý etti. Altyn kúnnen nur, jerge altyn dán sebiletin shaqta kún shýaqty bolyp, el qýanyshqa kenelip, Naýryz merekesi naǵyz toıǵa aınaldy.
Merekelik sharanyń sońyn ýnıversıtet rektory bastaǵan, prorektorlar, dekandar men kafedra meńgerýshileri, qurylymdyq bólimshe basshylary, professorlyq-oqytýshylyq quram, stýdentter men magıstranttardan quralǵan bir top qosyla «Atameken» ánin birlese oryndap, ujymdyq rýhty kótere tústi. Bul kórinis óskeleń urpaq oıynda joǵary patrıottyq sana qalyptastyryp, óz eline degen maqtanysh sezimin oıatty.
