استانادا وتكەن World Association of Lesson Studies باستى كونفەرەنتسياسى قازاقستاننىڭ اشىق ساباعى اتاندى.
العاش رەت پوستكەڭەستىك كەڭىستىكتە دۇنيەجۇزىلىك ساباقتى زەرتتەۋ قاۋىمداستىعىنىڭ بەدەلدى حالىقارالىق فورۋمى ءوتتى، WALS شتاب-پاتەرى استانادا بەس كۇن جۇمىس ىستەدى، ال قازاقستاننىڭ استاناسى ءبىر مەزەتتە الەمدىك ءبىلىم بەرۋدىڭ استاناسىنا اينالدى.
پەداگوگيكالىق شەبەرلىك ورتالىعى WALS ەستافەتاسىن 2023 جىلدىڭ قاراشاسىندا نيدەرلاندىدا قابىلدادى.
قازاقستاندىق فورۋم دۇنيەجۇزىلىك Lesson Studies قاۋىمداستىعىنىڭ گەوگرافياسىن كەڭەيتىپ، استانادا الەمدىك پەداگوگيكانىڭ جۇلدىزدارىن جينادى. كونفەرەنتسياعا ءبىلىم بەرۋدەگى تىڭ شەشىمدەردى ۇلىبريتانيا،، سينگاپۋر، گەرمانيا، نيدەرلاندى، مالايزيا، اۆستريا، قىتاي، امەريكا قۇراما شتاتتارى، گونكونگ جانە 30-دان استام ەلدەن بەدەلدى ساراپشىلار اكەلدى.
WALS-2024 ستراتەگيالىق تاقىرىبى – «Lesson studies: aspiring to better Learning and Teaching» Lesson Study-ءدى ىلگەرىلەتۋگە جانە ەنگىزۋگە مۇددەلى الەمدەگى ەڭ تابىستى مۇعالىمدەردى ءبىر ارناعا بىرىكتىردى.
استانا فورۋمىنا اتالعان كونفەرەنتسيانىڭ بۇكىل تاريحىندا ابستراكتىلەردىڭ رەكوردتىق سانى – 850-دەن استام قابىلداندى، ولاردىڭ كوپشىلىگىن قازاقستاندىق مۇعالىمدەر دايىندادى. WALS اتقارۋ كوميتەتى بۇل شاراعا ۇلتتىق دەڭگەيدەگى قاتىسۋدىڭ باسىمدىلىعىن راستايتىنىن اتاپ ءوتتى.
استاناعا بەس جۇزدەن استام وتاندىق پەداگوگ الگوريتمدەردى، ماسەلەلەردى جانە جەكە زەرتتەۋ تاجىريبەسىندەگى جەتىستىكتەردى قالاي تالداۋ كەرەك دەگەن سۇراقتارمەن كەلدى. ولار ءۇشىن WALS-2024 كونفەرەنتسياسى جاھاندىق فورۋمعا قاتىسۋدىڭ بىرەگەي مۇمكىندىگى بولدى»، – دەدى «نازارباەۆ زياتكەرلىك مەكتەپتەرى» دببۇ باسقارما توراعاسى ءانۋار جانعوزين.
كونفەرەنتسيا الاڭىندا 10-نان استام سيمپوزيۋم، 70 پوستەر سەسسيا، شەبەرلىك ساعاتتارى جانە ەلوردالىق مەكتەپتەردە كەزدەسۋلەر، 250-دەن استام جەكە باياندامالار تىڭدالدى. ولاردىڭ بارلىعى الەمدىك ءبىلىم بەرۋدەگى جاھاندىق تەندەنتسيالارعا – ساباقتاردى جان-جاقتى زەردەلەۋگە جانە ونىڭ ۇلتتىق وقۋ باعدارلامالار ءۇشىن ماڭىزى، ءارتۇرلى مادەني كونتەكستتەردەگى نەگىزگى الگوريتمدەردى سالىستىرۋ، Lesson Study-ءدىڭ مۇعالىمدەردى تاربيەلەۋدەگى جانە مۇعالىمدەردىڭ بىلىكتىلىگىن ارتتىرۋداعى ميسسياسى جانە باسقا دا تانىمال باسىمدىقتارعا ارنالدى.
نەگىزگى سپيكەرلەر قاتارىندا الەمدىك ءبىلىم بەرۋدىڭ ەڭ بەدەلدى ساراپشىلارى: نورۆەگيادان ويستەين كريستيانسەن، ليتۆادان داريۋس رادكەۆيچيۋس، ۇلىبريتانيادان سارا سەلەزنەۆ، جاپونيادان شيرلي تان، گەرمانيادان كلارا كاگەر بار.
پەداگوگيكالىق شەبەرلىك ورتالىعى 2012 جىلدان باستاپ «ساباقتى زەرتتەۋ» الەمدىك ترەندىن وتاندىق ءبىلىم بەرۋ جۇيەسىنە ەنگىزۋدە. Lesson Study قازاقستاندا دا، ساباقتى زەرتتەۋ جۇيەلى نەگىزدە پەداگوگيكالىق تاجىريبەگە ءساتتى ەنگىزىلىپ جاتقان بارلىق ەلدەردە دە مۇعالىمدەردىڭ كوزقاراسىن تۇبەگەيلى وزگەرتتى»، – دەپ اتاپ ءوتتى پەداگوگيكالىق شەبەرلىك ورتالىعىنىڭ ديرەكتورى جانبوتا كابدىكاريموۆا.
WALS 2024-تەگى جارقىن ساتتەردىڭ قاتارىندا بەدەلدى حالىقارالىق «International Journal of Lesson and LearningStudies» جۋرنالىنىڭ شەبەرلىك ساباعى بار. سۋي لين گوي (گوللاندياداعى مۇعالىمدەردى دايارلاۋ اكادەمياسى), شيرلي تان (ۆيندسحايم قولدانبالى عىلىمدار ۋنيۆەرسيتەتى، نيدەرلاندى), شارون دوتجەر (سيراكۋز ۋنيۆەرسيتەتى، اقش) جەتەكشى الەمدىك باسىلىمدارمەن تابىستى ىنتىماقتاستىقتىڭ نەگىزگى قاعيداتتارىمەن تانىستىردى.
WALS-2024 سالتاناتتى جابىلۋىنىڭ نەگىزگى فرازاسى رەتىندە World Association of Lesson Studies پرەزيدەنتى كەترين ءليۋيستىڭ ءسوزىن اتاۋعا بولادى:
Lesson Study ماعان ءححى عاسىرداعى جىبەك جولىن ەسكە سالادى، سەبەبى كونفەرەنتسيا بارلىق ەلدەر مەن كونتينەنتتەردىڭ ءبىلىم بەرۋ سالاسىن بىرىكتىردى. بەس كۇن ىشىندە استانادا جاڭا پرەتسەدەنت پايدا بولدى، مازمۇنى مەن الەمدىك دەڭگەيدەگى بىرەگەي ءىس-شارالاردى ۇيىمداستىرۋ بويىنشا جوعارى ءبىلىم بەرۋ ستاندارتتارى جاسالدى.. ەندى بىزگە Lesson Study جۇيەسىن ەنگىزۋدە دە، بەدەلدى فورۋمداردى وتكىزۋدە دە قازاقستاننىڭ تاجىريبەسىن تاراتۋ كەرەك.
WALS-2024 جابىلۋ سالتاناتىندا World Association of Lesson Studies ەستافەتاسىن جاپونيانىڭ حيروسيما قالاسى رەسمي تۇردە قابىلدادى.
