سوڭعى جىلدارى «قاڭعىباس» جانۋارلار ماسەلەسى ءبىزدىڭ قوعامدا وزەكتى ماسەلەگە اينالدى. تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى مەكتەپتىڭ «ءۇمىت باسپاناسى» الەۋمەتتىك جوباسى اياسىندا اكتسيا ۇيىمداستىرىپ، وسى ماسەلەنى شەشۋگە ءوز ۇلەستەرىن قوسۋدى ۇيعاردى.
بۇل باستاما يەسىز يتتەرگە كومەكتەسىپ قانا قويماي، وقۋشىلاردى، مۇعالىمدەردى جانە مەكتەپ قاۋىمداستىعىن بىرىكتىردى.
تالدىقورعان NIS قابىرعاسىندا ء"ۇمىت باسپاناسى» الەۋمەتتىك جوباسى توعىز جىل بويى جۇزەگە اسىرىلىپ كەلەدى، ول ءۇيسىز ءۇي جانۋارلارىن تاماقتاندىرۋعا باعىتتالعان. قازىرگى ۋاقىتتا جاس ەرىكتىلەر «زووكلۋب» زووقورعاۋشىلاردىڭ قوعامدىق بىرلەستىگىمەن ىنتىماقتاسادى، وندا مىسىقتار مەن يتتەرگە يەلەرىن تابۋعا، تاماقتاندىرۋعا، ۇيشىكتەر سالۋعا، كۇتىم جاساۋعا كومەكتەسەدى.
بۇل جولى «دوسىڭدى تاماقتاندىر» اكتسياسى فەنيكس ۆەتەرينارلىق كلينيكاسىندا جانۋارلاردىڭ تاعدىرىنا نازار اۋدارۋدىڭ جانە ولارعا قىستىڭ سۋىق مەزگىلىندە كومەكتەسۋدىڭ ءتاسىلى رەتىندە ويلاستىرىلدى.
بىز پلاكاتتار جاسادىق، الەۋمەتتىك جەلىلەردە اقپارات تاراتتىق جانە اكتسيانىڭ ماڭىزدىلىعى تۋرالى جەتكىزۋ ءۇشىن سىنىپتارمەن كەزدەسۋلەر ۇيىمداستىردىق. ناتيجەسىندە، بىرنەشە اپتا ىشىندە كلينيكاعا بەرىلگەن جەمنىڭ ەداۋىر مولشەرىن جيناۋعا مۇمكىندىك تۋدى، - دەيدى جوبا بەلسەندىسى دەنيس دروزدوۆ، 10-سىنىپ وقۋشىسى.
ءبىزدىڭ اكتسيا يەسىز قالعان يتتەرگە كومەكتەسىپ قانا قويماي، بۇكىل قاۋىمداستىق ءۇشىن ماڭىزدى وقيعا بولدى. ول قاڭعىباس جانۋارلار ماسەلەسىنە نازار اۋداردى جانە باسقا ادامداردى دا وسىنداي باستامالارعا قاتىسۋعا شابىتتاندىردى دەپ ويلايمىن. جانۋارلارعا قامقورلىق جاساۋ — بۇل ارقايسىمىزدىڭ جاۋاپكەرشىلىگىمىز، - دەپ ءبولىستى 10-سىنىپ وقۋشىسى ارلان توقتاحمەت.
