ءيزرايلدىڭ تەل-اۆيرۆ قالاسىندا اۆتوكولىك جۇرگىزۋشىسى جاعالاۋدا جۇرگەن قالىڭ تۇرعىنداردى نىسانعا الىپ، ولاردى كولىكپەن قاقتى، دەپ حابارلايدى "ادىرنا" ۇلتتىق پورتالى. بۇل حاقىندا The Jerusalem Post جانە Kan اگەنتتىكتەرى حابارلادى.
تۇرعىنداردىڭ ورتاسىنا مىنبەلەپ، ولاردى قاققان كولىك اپاتىمەن قوسا وقيعا ورنىندا اتىس تا بولعان. اتىس سالدارىنان جاعالاۋدى كەزگەن ەكى بەيبىت تۇرعىن جاراقات الدى. قاتار بولعان قوس قاقتىعىس ناتيجەسىندە ءبىر ادام قايتىس بولىپ، جەتىسى جارالاندى.
جەرگىلىكتى باق-تىڭ جازۋىنشا، وقيعانى پوليتسيا قىزمەتكەرلەرى تەراكت دەپ ايىپتاپ وتىر.
The Times of Israel اگەنتتىگى ەكى وقيعانى دا ءبىر ادامنىڭ جۇزەگە اسىرعانىن العا تارتى. يزرايلدىڭ سىرتقى ىستەر مينيسترلىگى بۇل وقيعانى لاڭكەستىك شابۋىل دەپ اتادى. قازا تاپقان ادامنىڭ يتاليادان كەلگەن تۋريست ەكەنىن جەتكىزدى. جارالىلار دا تۋريستەر بولىپ شىقتى.
سونىمەن قاتار، يزرايل پرەمەر-ءمينيسترى بەنيامين نەتانياحۋ تۇرعىندارعا جاسالعان شابۋىلدان كەيىن شەكارا پوليتسياسىنىڭ قىزمەتىن نىعايتىپ، قوسىمشا كۇش شاقىرۋعا بۇيرىق بەرگەن.
"ادىرنا" ۇلتتىق پورتالى
