يزرايل بيلىگى يراننىڭ يسلام رەۆوليۋتسياسى ساقشىلار كورپۋسى وتكىزگەن زىمىران جاتتىعۋلارى ىقتيمال شابۋىلعا دايىندىق بولۋى مۇمكىن ەكەنىن ايتىپ، اقش-قا ەسكەرتۋ جاسادى، دەپ حابارلايدى "ادىرنا" ۇلتتىق پورتالى.
Axios پورتالىنىڭ مالىمەتىنشە، وتكەن سەنبى كۇنى يزرايل قارۋلى كۇشتەرى باس شتابىنىڭ باستىعى، گەنەرال-لەيتەنانت ەيال زامير اقش ورتالىق قولباسشىلىعىنىڭ باسشىسى برەد كۋپەرمەن تەلەفون ارقىلى سويلەسكەن.
اڭگىمە بارىسىندا زامير يزرايل تاراپى يران بىرنەشە كۇن بۇرىن باستاعان زىمىران جاتتىعۋلارىنا الاڭداۋشىلىق بىلدىرگەنىن جەتكىزگەن.
ونىڭ ايتۋىنشا، يراننىڭ سوڭعى زىمىران تاسىمالدارى مەن باسقا دا جەدەل ارەكەتتەرى كەنەتتەن جاسالۋى مۇمكىن شابۋىلدىڭ بۇركەمەسى بولۋى ىقتيمال. وسىعان بايلانىستى زامير اقش قارۋلى كۇشتەرىن يزرايل اسكەرىمەن قورعانىسقا دايىندىقتى ۇيلەستىرۋگە شاقىرعان.
جەكسەنبى كۇنى برەد كۋپەر تەل-اۆيۆكە كەلىپ، ەيال زاميرمەن جانە يزرايل قورعانىس ارمياسىنىڭ جوعارى لاۋازىمدى وكىلدەرىمەن كەزدەسۋ وتكىزدى.
«يران شابۋىلىنىڭ ىقتيمالدىعى 50 پايىزدان تومەن، الايدا مۇنى جاي عانا جاتتىعۋ دەپ قابىلداپ، تاۋەكەلگە بارعىسى كەلەتىندەر جوق»، — دەپ مادىمدەلگەن باق-تا.
ال اقش تاراپىنىڭ وكىلى قازىرگى ۋاقىتتا امەريكالىق بارلاۋ يران تاراپىنان ناقتى شابۋىل دايىندىعى تۋرالى مالىمەتتەرگە يە ەمەس ەكەنىن ايتتى.
وسى ارادا يزرايل پرەمەر-ءمينيسترى بينيامين نەتانياحۋ يران تاراپىنان جاسالاتىن كەز كەلگەن ارەكەتكە قاتاڭ جاۋاپ بەرىلەتىنىن مالىمدەدى. بۇل تۋرالى ول كيپر پرەزيدەنتى نيكوس حريستودۋليديسپەن جانە گرەكيا پرەمەر-ءمينيسترى كيرياكوس ميتسوتاكيسپەن بىرلەسكەن ءباسپاسوز ءماسليحاتىندا ايتتى.
ء«بىز يراننىڭ جاتتىعۋ وتكىزىپ جاتقانىن بىلەمىز. بۇل جاعدايدى باقىلاۋدا ۇستاپ وتىرمىز جانە بارلىق قاجەتتى ساقتىق شارالارىن قابىلداۋدامىز. يرانعا اشىق ايتقىم كەلەدى: يزرايلگە قارسى كەز كەلگەن ارەكەتكە وتە قاتاڭ جاۋاپ بولادى»، — دەدى نەتانياحۋ.
بۇعان دەيىن يران سىرتقى ىستەر مينيسترلىگىنىڭ رەسمي وكىلى يسمايل باعاي ەلدىڭ زىمىران باعدارلاماسى تەك قورعانىس سيپاتىندا ەكەنىن جانە باسقا مەملەكەتتەرمەن تالقىلاۋعا جاتپايتىنىن مالىمدەگەن ەدى.
