عىلىم اكادەمياسىنىڭ نەگىزىن قالاعان قانىش ساتباەۆ پەن اكادەميك مالىك عابدۋللين اراسىنداعى رۋحاني بايلانىس سوناۋ 1938 جىلدان باستالدى. ەكى تۇلعا اراسىنداعى اعالىق-ىنىلىك قارىم-قاتىناستى باۋىرجان مومىشۇلىنا قانىشتانۋشى مەدەۋ سارسەكەيگە جازعان حاتتارىنان دا اڭعارۋعا بولادى.
مالىك عابدوللاۇلى – 1972 جىلى 5 ساۋىردە جازعان حاتىن بىلاي باستاعان. «قۇرمەتتى مەدەۋ! - ءبىز ءبىر-ءبىرىمىزدى سىرتتاي بولماسا جاقىن جۋىسىپ بىلمەيتىن بولۋىمىز كەرەك. ونىڭ وقاسى جوق. مەن بۇگىن سىزبەن تانىسىپ الدىم، سوندىقتان دا وسى حاتتى جازىپ وتىرعانىم عوي.
سىزبەن تانىسۋىما سەبەپ بولعان... «جۇلدىز» جۋرنالىندا... شىققان اڭگىمە – حيكاياڭىز بولدى. عاجاپ دۇنيە ەكەن. شىن كوڭىلدەن قۇتتىقتايمىن، سىزگە بۇدان بىلاي دا جەمىستى ەڭبەك تىلەيمىن. سيۋجەت قۇرۋىڭىز، ءتىلىڭىز ادەمى ەكەن.
مەنىڭ سىزگە بەرەر كەڭەسىم:
...شىعارماڭىزدى وسى كۇيىندە، اڭگىمە تۇرىندە قالدىرماڭىز. «جيزن زامەچاتەلنىح ليۋدەي» دارەجەسىنە كوتەرىڭىز. قانىشتىڭ ءومىرىن ەڭ كەم دەگەندە ۇلكەن-ۇلكەن ەكى توم ەتىپ جازىڭىز ء(ى كىتاپتا: قانىشتىڭ بالالىق شاعى، وقۋداعى كەزى، سۋديالىق قىزمەتى، ستۋدەنتتىك ءومىرى ت.ب. ءىى كىتاپ: قانىش – جەزقازعاندا، قانىش – ينجەنەر، قانىش – قازاقستاننىڭ كەن بايلىعىن زەرتتەۋدى ۇيىمداستىرۋشى جانە بۇل ىسكە تىكەلەي قاتىسۋشى. قانىش – عالىم، اكادەميك، پرەزيدەنت، مەملەكەت قايراتكەرى، ناعىز ازامات). قانەكەڭ ءومىرى تۋرالى ماتەريال كوپ قوي. سولاردى جيناڭىز، زەرتتەڭىز. قىسقاسى، قانىش جايىندا ءبىر ادەمى كولەمدى شىعارما كۇتەمىز سىزدەن", -دەلىنگەن...
ال بۇل بايلانىس قوس تۇلعا ومىردەن وتسە دە وسى ۋاقىتقا دەيىن ۇزىلمەي كەلە جاتىر دەپ ايتۋعا تولىق نەگىز بار.
بۇگىن مۋزەي قىزمەتكەرلەرى "مالىكتىڭ رۋحى حالىقپەن " اتتى تانىمدىق-تاعىلىمدىق ەكسپەديتسياسى اياسىندا قانىش ساتباەۆ مۋزەيىنىڭ ەكسپوزيتسيالىق زالدارىمەن تانىسىپ، ءوزارا تاجىريبە الماسىپ قايتتى.
ءبىزدى مۋزەي ديرەكتورى تۇياقباەۆ ءومىر مەن ءبولىم باستىعى باحىتجامال ايتمۇحامبەتوۆا ەرەكشە ىقىلاسپەن قارسى الدى.
بۇل ەكسپەديتسيانىڭ ەكىنشى كۇنى. كەزدەسۋ بارىسىندا قوس مۋزەي رۋحاني-مادەني شىعارماشىلىقتى نىعايتۋ ماقساتىندا ىنتىماقتاستىق مەموراندۋمىنا قول قويىپ، بولاشاقتا بىرلەسىپ جۇمىستار اتقارۋ تۋرالى كەلىسىمگە كەلدى.
ەستەرىڭىزگە سالا كەتەيىك، ەكسپەديتسيانىڭ ءبىرىنشى كۇنى باۋىرجان مومىشۇلى اتىنداعى "جاس ۇلان" رەسپۋبليكالىق مەكتەبىندە بولعان ەدىك.
"ادىرنا" ۇلتتىق پورتالى
