Ǵylym akademııasynyń negizin qalaǵan Qanysh Sátbaev pen akademık Málik Ǵabdýllın arasyndaǵy rýhanı baılanys sonaý 1938 jyldan bastaldy. Eki tulǵa arasyndaǵy aǵalyq-inilik qarym-qatynasty Baýyrjan Momyshulyna qanyshtanýshy Medeý Sársekeıge jazǵan hattarynan da ańǵarýǵa bolady.
Málik Ǵabdollauly – 1972 jyly 5 sáýirde jazǵan hatyn bylaı bastaǵan. «Qurmetti Medeý! - Biz bir-birimizdi syrttaı bolmasa jaqyn jýysyp bilmeıtin bolýymyz kerek. Onyń oqasy joq. Men búgin Sizben tanysyp aldym, sondyqtan da osy hatty jazyp otyrǵanym ǵoı.
Sizben tanysýyma sebep bolǵan... «Juldyz» jýrnalynda... shyqqan áńgime – hıkaıańyz boldy. Ǵajap dúnıe eken. Shyn kóńilden quttyqtaımyn, Sizge budan bylaı da jemisti eńbek tileımin. Sıýjet qurýyńyz, tilińiz ádemi eken.
Meniń Sizge berer keńesim:
...Shyǵarmańyzdy osy kúıinde, áńgime túrinde qaldyrmańyz. «Jızn zamechatelnyh lıýdeı» dárejesine kóterińiz. Qanyshtyń ómirin eń kem degende úlken-úlken eki tom etip jazyńyz (I kitapta: Qanyshtyń balalyq shaǵy, oqýdaǵy kezi, sýdıalyq qyzmeti, stýdenttik ómiri t.b. II kitap: Qanysh – Jezqazǵanda, Qanysh – ınjener, Qanysh – Qazaqstannyń ken baılyǵyn zertteýdi uıymdastyrýshy jáne bul iske tikeleı qatysýshy. Qanysh – ǵalym, akademık, prezıdent, memleket qaıratkeri, naǵyz Azamat). Qanekeń ómiri týraly materıal kóp qoı. Solardy jınańyz, zertteńiz. Qysqasy, Qanysh jaıynda bir ádemi kólemdi shyǵarma kútemiz Sizden", -delingen...
Al bul baılanys qos tulǵa ómirden ótse de osy ýaqytqa deıin úzilmeı kele jatyr dep aıtýǵa tolyq negiz bar.
Búgin mýzeı qyzmetkerleri "Máliktiń rýhy halyqpen " atty tanymdyq-taǵylymdyq ekspedıııasy aıasynda Qanysh Sátbaev mýzeıiniń ekspozıııalyq zaldarymen tanysyp, ózara tájirıbe almasyp qaıtty.
Bizdi mýzeı dırektory Tuıaqbaev Ómir men bólim bastyǵy Bahytjamal Aıtmuhambetova erekshe yqylaspen qarsy aldy.
Bul ekspedıııanyń ekinshi kúni. Kezdesý barysynda qos mýzeı rýhanı-mádenı shyǵarmashylyqty nyǵaıtý maqsatynda yntymaqtastyq memorandýmyna qol qoıyp, bolashaqta birlesip jumystar atqarý týraly kelisimge keldi.
Esterińizge sala keteıik, ekspedıııanyń birinshi kúni Baýyrjan Momyshuly atyndaǵy "Jas Ulan" respýblıkalyq mektebinde bolǵan edik.
"Adyrna" ulttyq portaly
