مەملەكەتتىك كەڭەسشى ەرلان قارين پرەزيدەنت اتىنان «حالىق قاھارمانى» باۋىرجان مومىشۇلىنىڭ كەلىنى زەينەپ احمەتوۆا مەن نەمەرەسى ەرجان مومىشۇلىنا التىن جۇلدىز بەن «وتان» وردەنىن تاپسىردى، دەپ حابارلايدى «ادىرنا» ءتىلشىسى.
2025 جىلدىڭ سوڭىندا مەملەكەت باسشىسى قاسىم-جومارت توقاەۆ جامبىل وبلىسىنا جۇمىس ساپارىمەن بارىپ، باۋىرجان مومىشۇلىنا «حالىق قاھارمانى» اتاعىن بەرۋ تۋرالى تاريحي شەشىم قابىلداعان ەدى.
سالتاناتتا شارادا مەملەكەتتىك كەڭەسشى ەرلان قارين باۋىرجان مومىشۇلىنىڭ باتىرلىقتىڭ سيمۆولىنا اينالعانىن اتاپ ءوتتى.
«حالقىمىز باۋىرجان مومىشۇلىن ءاردايىم باتىر دەپ بىلەدى، قاھارمان دەپ قاستەرلەيدى. مەملەكەت باسشىسى قاسىم-جومارت توقاەۆتىڭ بۇل جولعى شەشىمى حالىقتىڭ وعان دەگەن ىستىق ىقىلاسىن ودان ءارى ارتتىرا ءتۇستى. ەڭ باستىسى، كوپتەن كۇتكەن تاريحي ادىلدىك قالپىنا كەلتىرىلدى»،– دەدى ول.
