قوعام قايراتكەرى، ساياساتكەر مۇحتار تايجان الەۋمەتتىك جەلىدە قازاق ەلىنىڭ ۇلتتىق نەگىزدەگى ۇلى مەملەكەتكە اينالۋىنا اشىق قارسى پىكىر ايتقان بلوگەر، قىزىلجاردىڭ تۋماسى دەنيس كريۆوشەەۆتى جازالاۋ ماسەلەسىن كوتەردى. كريۆوشەەۆ ءبىر سۇحباتىندا قازاقتىڭ ۇلتتانۋىن فاشيستىك گەرمانيامەن تەڭەستىرىپ، تۇتاس قازاققا اقىل ايتقان بولادى، دەپ حابارلايدى "ادىرنا" ۇلتتىق پورتالى م. تايجاننىڭ پاراقشاسىنا سىلتەمە كورسەتە وتىرىپ.
ساياساتكەر مۇحتار تايجان بلوگەر دەنيس كريۆوشەەۆتىڭ "اككى، تۇلكىبۇلاڭعا سالعان" تايقىما ۇستانىمىن سىنعا الدى. د. كريۆوشەەۆ ءبىر سۇحباتىندا قازاقتىڭ ۇلتتىق بىرەگەيلىككە ۇمتىلىپ كەلە جاتقانىنا قارسى ەكەندىگىن تانىتادى. بۇل جايلى ساياساتكەر تومەندەگىدەي مالىمدەدى:
"مۇنداي جايتتارعا بەي-جاي قاراۋعا بولمايدى. كريۆوشەەۆ مىنا سۇحباتتا قازاق ەلىن جاۋىز، فاشيست گەرمانياعا تەڭەپ وتىر. شىنتۋايتىندا، ول قازاقتاردىڭ ۇلتتىق نەگىزدەگى ۇلى قازاق ەلىنە اينالۋىن بولدىرماۋدى كوزدەگەن. ونىڭ ايتۋىنشا قازاق جەرىندەگى، قازاق ەلىندەگى بارلىق ۇلت تەڭ، قۇراما بولۋى ءتيىس ەكەن-مىس. مۇنداي حابارلاندىرۋلار ءبىزدىڭ 1990 جىلعى ەڭ باستى ەگەمەندىك دەكلاراتسيامىز جانە 1991 جىلعى تاۋەلسىزدىك تۋرالى زاڭىمىزعا قاراما-قايشى".
توقاەۆ وسىنداي تايقىما ۇستانىمى بار ازاماتتىڭ كەۋدەسىنە وردەن تاقتى. ول ەندى ءوزىنىڭ جەكە شارۋاسى. دەگەنمەن سۆويك، كريۆوشەەۆ، ءابىلديننىڭ سوڭعى مالىمدەمەلەرى - جاڭساق. ولاردىڭ سوڭعى كەزدەردە قازاق ەلى جايىنداعى رەسەيلىك ساياساتكەرلەردىڭ ايتقاندارىنا ايتاق قوسىپ وتىرعانى ءسوزسىز", - دەپ كەسىپ ايتتى قوعام قايراتكەرى.
"رەسەي سوڭعى قازاق مەكتەبىن 2010 جىلى جاپقان. رەسەيدە 800 000 قازاق تۇرادى. قازاق ەلىندە 2,9 ميلليون ورىس ءۇشىن 1500 ورىس مەكتەبى، 2500 ارالاس مەكتەپ بار. سوندا كىم ناتسيست؟";
"مەن مۇنىڭ "حابار" ارناسىندا قاڭتار قىرعىنىنا قاتىستى ايتقان پىكىرىن جاقسى بىلەمىن. بۇنى ۇلتتىق تەلەۆيزيا ەفيرىنە شىعارماۋ كەرەك";"بۇلار رەسەيدىڭ، رف ارقايى قىزمەتىنىڭ قازاق قوعامىنا جىبەرگەن جاندايشاپتارى. بۇلاردىڭ ماقساتى ەل ىشىنە ىرىتكى سالۋ" دەپ جازدى كوپشىلىك.
"ادىرنا" ۇلتتىق پورتالى
