قازاقستاندا “Home Credit Bank” اق شاعىن جانە ورتا بيزنەسكە ارنالعان تسيفرلىق بانكتى ىسكە قوسۋدى جوسپارلاپ وتىر. وندا كاسىپكەرلەر بارلىق وپەراتسيانى تسيفرلىق تۇردە جۇزەگە اسىرا الادى.
«قازاقستاندا “Home Credit Bank” اق 18 جىل بويى تۇراقتى جانە تابىستى بانك قۇردى. بۇگىنگى تاڭدا ءبىز 1,5 ميلليوننان استام كليەنتكە قىزمەت كورسەتەمىز جانە تۇتىنۋشىلىق نەسيەلەۋ بويىنشا كوشباسشىلاردىڭ ءبىرىمىز. وسى تاجىريبەنىڭ كومەگىمەن ءبىز شاعىن جانە ورتا بيزنەس سەكتورىنا دا ساتۋ كولەمىن ارتتىرۋعا كومەكتەسە الامىز. ويتكەنى، بولشەك ساۋدا سەگمەنتى رەسپۋبليكاداعى بارلىق زاڭدى تۇلعالاردىڭ 50%-دان استامىن قۇرايدى. شوب ءۇشىن تولىق تسيفرلىق بانك قۇرۋ “Home Credit Bank” اق-نىڭ دامۋىنىڭ جاڭا كەزەڭى بولادى جانە بيزنەسىمىزدى ارتاراپتاندىرۋعا مۇمكىندىك بەرەدى.
بۇگىنگى تاڭدا بانكتەر كلاسسيكالىق جانە تسيفرلىق شەشىمدەردى ۇسىنا وتىرىپ، شوب كليەنتتەرى ءۇشىن بەلسەندى باسەكەلەستىككە تۇسۋدە. دەگەنمەن، ءبىز نارىقتاعى ۇسىنىستى جەتكىلىكسىز دەپ سانايمىز»، - دەدى “Home Credit Bank” اق باسقارما توراعاسى كيريل باچۆاروۆ.
تسيفرلىق بانك ۇلتتىق جانە شەتەلدىك ۆاليۋتاداعى اۋدارىمدار، سالىقتاردىڭ جانە بيۋدجەتكە تولەنەتىن تولەمدەردىڭ بارلىق تۇرلەرى، ۆاليۋتانى ايىرباستاۋ، نەسيەلەندىرۋ جانە ءبولىپ تولەۋ باعدارلامالارى، ولاردىڭ شوتتارى مەن ونىمدەرىنە قول جەتكىزۋ جانە باسقارۋ سياقتى كاسىپكەرلەردىڭ كۇندەلىكتى جۇمىستارىنا قاجەتتى ونىمدەردى ۇسىنادى.
ايتا كەتەرلىگى، بۇل وپەراتسيالاردىڭ بارلىعىن كاسىپكەرلەر فيليالدارعا بارماي-اق ءموبيلدى قوسىمشا ارقىلى جۇزەگە اسىراتىن بولادى. قولدانبا UI / UX ديزاينىنا جاڭا كوزقاراسپەن جاسالادى. بۇل ءبىزدىڭ كاسىپكەرلەردىڭ تانىس ۇلگىلەرىن ساقتاي وتىرىپ، ولارعا بارلىق وپەراتسيالاردى تەز جانە وڭاي اياقتاۋعا مۇمكىندىك بەرەدى. پروتسەستەر مەن ونىمدەردەگى بارلىق وزگەرىستەر تەك كاسىپكەرلەردىڭ قاجەتتىلىكتەرىنە نەگىزدەلەتىن بولادى. شوب ءۇشىن تسيفرلىق بانكتى ىسكە قوسۋ 2023 جىلدىڭ ءۇشىنشى توقسانىندا جوسپارلانعان.
«بيزنەسمەننىڭ قاجەتتىلىكتەرىن باعالاي وتىرىپ، ءبىز وعان ىڭعايلى جانە دۇرىس شەشىمدەر ۇسىنا الامىز. ءبىزدىڭ شوب ءۇشىن ءموبيلدى قوسىمشامىز جەكە تۇلعالارعا ارنالعان ەڭ جاقسى قىزمەتتەر ۇسىنادى. ايقىن ينتەرفەيس جانە ءسىزدىڭ قاجەتتىلىكتەرىڭىزگە سايكەس ەكرانداردى «باپتاۋ» مۇمكىندىگى ءونىمنىڭ ەرەكشە بەلگىلەرىنىڭ ءبىرى بولادى. ىڭعايلىلىق پەن فۋنكتسيونالدىلىقتى ءبىر قوسىمشاعا بىرىكتىرۋ ارقىلى تسيفرلىق بانك كاسىپكەرگە بارلىق ترانزاكتسيالارىن وڭاي جۇزەگە اسىرۋعا مۇمكىندىك بەرەدى.
ايتا كەتۋ كەرەك، Alfa Bank-تە قىسقا ۋاقىت ىشىندە كوماندامىز شاعىن جانە ورتا بيزنەس ءۇشىن ىڭعايلى تسيفرلىق بانكتى قۇرا الدى جانە نارىقتىڭ كوشباسشىسى بولا الدى. سونداي-اق، ءبىرىنشى ءموبيلدى قوسىمشا، تسيفرلىق بورتينگ، ونلاين-شوت سياقتى قىزمەتتەردى ىسكە قوسۋ ارقىلى ونىڭ ترەندسەتتەرىنە اينالدى. “Home Credit Bank” اق-دا بىز ءوز تاجىريبەمىزدى پايدالانىپ، نارىقتى يننوۆاتسيالىق ونىمدەرمەن تاعى دا تاڭ قالدىرۋدى جوسپارلاپ وتىرمىز»، - دەدى “Home Credit Bank” اق-داعى شوب بلوگىنىڭ جەتەكشىسى دامير كاكيەۆ.
الداعى ءۇش جىلدا ول “Home Credit Bank” اق-نىڭ بيزنەسكە ارنالعان تسيفرلىق بانكىنىڭ الدىنا ۇلكەن ماقسات قويىپ وتىر. ول - ءوز سەگمەنتىندە قازاقستانداعى ۇزدىك ۇشتىكتىڭ ءبىرى بولۋ.
الداعى ەكى جىلدا تسيفرلىق بانكتى دامىتۋعا ينۆەستيتسيا شامامەن 20 ميلليون دوللاردى قۇرايدى دەپ كۇتىلۋدە. جاڭا جوبانىڭ ارقاسىندا 400-دەن استام جاڭا جۇمىس ورنى اشىلادى. ەۋروپالىق مەنشىك يەلەرىنىڭ وكىلى بولىپ تابىلاتىن “Home Credit Bank” اق-نىڭ اكتسيونەرلەرى بۇگىنگى تاڭدا ەڭ قارقىندى دامىپ كەلە جاتقان قازاقستانداعى شوب سەگمەنتىن دامىتۋدىڭ ۇلكەن بولاشاعىن كورىپ وتىر. 80%-دان اساتىن قولما-قول اقشاسىز اينالىمنىڭ ءوسۋى، سونداي-اق قازاقستاندا GovTech-ءتىڭ دامۋى اياسىندا بانكتەر ءوز شەشىمدەرىن ءارتۇرلى مەملەكەتتىك دەرەكتەر بازالارىمەن بىرىكتىرىپ، كليەنتتەرگە ترانزاكتسيالاردىڭ باسىم بولىگىن ونلاين رەجيمىندە ۇسىنا الادى.
«قازاقستاندا تسيفرلىق قىزمەت كورسەتۋ ءۇشىن قولايلى جاعدايلار جاسالدى: سوڭعى بىرنەشە جىلدا رەسپۋبليكا بۇل باعىتتا بەلسەندى ءوسىم كورسەتتى جانە تسيفرلاندىرۋ بويىنشا 30 وزىق ەلدىڭ قاتارىنا ەندى»، - دەپ قوستى دامير كاكيەۆ.
تسيفرلىق بانكتى قۇرۋ قوسىمشا فيليالدار اشپاي-اق، كليەنتتىك بازانى ۇلعايتۋعا مۇمكىندىك بەرەدى. بۇل رەتتە كاسىپكەرلەردىڭ وزدەرى قارجى ينستيتۋتتارىنان تسيفرلىق شەشىمدەردى كۇتۋدە.
جوبانى ىسكە قوسۋ قارساڭىندا جۇرگىزىلگەن زەرتتەۋ كاسىپكەرلەر تاراپىنان جوعارى ساپالى تسيفرلىق قىزمەتتەرگە سۇرانىس ايتارلىقتاي جوعارى ەكەنىن كورسەتتى.
بەلگىلى بانكير جانە قارجىگەر دامير كاكيەۆ “Home Credit Bank” قازاقستانعا بيزنەستىڭ جاڭا ءتۇرىن ەنگىزۋگە شاقىرىلدى. ونىڭ جەتەكشىلىگىمەن كوماندا الفا بانكتە شوب جوباسىن ءساتتى جۇزەگە اسىردى. 5 جىلدان از ۋاقىت ىشىندە بۇل بانك كلاسسيكالىق كورپوراتيۆتىك قارجى ينستيتۋتىنان شاعىن جانە ورتا بيزنەس پەن بولشەك كليەنتتەرگە ارنالعان تسيفرلىق بانككە اينالدى. The Banker, AsiaMoney, World Business Outlook Awards حالىقارالىق باسىلىمدارى الفا بانكتى بىرنەشە رەت قازاقستان رەسپۋبليكاسىنداعى شوب ءۇشىن ەڭ ۇزدىك بانك دەپ تانىدى جانە ونىڭ ىسكەرلىك قوسىمشاسى Markswebb جانە SME Banking مالىمەتتەرى بويىنشا ەدب اراسىندا №1 دەپ تانىلدى. سونداي-اق بانك شوب سەگمەنتىندەگى بەلسەندى كليەنتتىك بازا بويىنشا العاشقى ۇشتىككە ەندى.
دامير كاكيەۆ – 15 جىلدىق تاجىريبەسى بار بانكير، قازاقستان رەسپۋبليكاسىنىڭ ەڭبەك سىڭىرگەن قارجىگەرى. سبەربانك جانە الفا بانكتە باسشى قىزمەتتەردە جۇمىس ىستەدى. وزبەكستان مەن تاجىكستان بانكتەرىندە ديرەكتورلار كەڭەسىنىڭ مۇشەسى، «اتامەكەن» كاسىپكەرلەر پالاتاسى شوب-ءتى دامىتۋ كوميتەتىنىڭ مۇشەسى، كاسىپكەر جانە IT جانە كونسالتينگتىك كومپانيالاردىڭ نەگىزىن قالاۋشى.
