Qazaqstanda “Home Credit Bank” AQ şaǧyn jäne orta bizneske arnalǧan sifrlyq banktı ıske qosudy josparlap otyr. Onda käsıpkerler barlyq operasiiany sifrlyq türde jüzege asyra alady.
«Qazaqstanda “Home Credit Bank” AQ 18 jyl boiy tūraqty jäne tabysty bank qūrdy. Bügıngı taŋda bız 1,5 millionnan astam klientke qyzmet körsetemız jäne tūtynuşylyq nesieleu boiynşa köşbasşylardyŋ bırımız. Osy täjıribenıŋ kömegımen bız şaǧyn jäne orta biznes sektoryna da satu kölemın arttyruǧa kömektese alamyz. Öitkenı, bölşek sauda segmentı respublikadaǧy barlyq zaŋdy tūlǧalardyŋ 50%-dan astamyn qūraidy. ŞOB üşın tolyq sifrlyq bank qūru “Home Credit Bank” AQ-nyŋ damuynyŋ jaŋa kezeŋı bolady jäne biznesımızdı ärtaraptandyruǧa mümkındık beredı.
Bügıngı taŋda bankter klassikalyq jäne sifrlyq şeşımderdı ūsyna otyryp, ŞOB klientterı üşın belsendı bäsekelestıkke tüsude. Degenmen, bız naryqtaǧy ūsynysty jetkılıksız dep sanaimyz», - dedı “Home Credit Bank” AQ basqarma töraǧasy Kiril Bachvarov.
Sifrlyq bank ūlttyq jäne şeteldık valiutadaǧy audarymdar, salyqtardyŋ jäne biudjetke tölenetın tölemderdıŋ barlyq türlerı, valiutany aiyrbastau, nesielendıru jäne bölıp töleu baǧdarlamalary, olardyŋ şottary men önımderıne qol jetkızu jäne basqaru siiaqty käsıpkerlerdıŋ kündelıktı jūmystaryna qajettı önımderdı ūsynady.
Aita keterlıgı, būl operasiialardyŋ barlyǧyn käsıpkerler filialdarǧa barmai-aq mobildı qosymşa arqyly jüzege asyratyn bolady. Qoldanba UI / UX dizainyna jaŋa közqaraspen jasalady. Būl bızdıŋ käsıpkerlerdıŋ tanys ülgılerın saqtai otyryp, olarǧa barlyq operasiialardy tez jäne oŋai aiaqtauǧa mümkındık beredı. Prosester men önımderdegı barlyq özgerıster tek käsıpkerlerdıŋ qajettılıkterıne negızdeletın bolady. ŞOB üşın sifrlyq banktı ıske qosu 2023 jyldyŋ üşınşı toqsanynda josparlanǧan.
«Biznesmennıŋ qajettılıkterın baǧalai otyryp, bız oǧan yŋǧaily jäne dūrys şeşımder ūsyna alamyz. Bızdıŋ ŞOB üşın mobildı qosymşamyz jeke tūlǧalarǧa arnalǧan eŋ jaqsy qyzmetter ūsynady. Aiqyn interfeis jäne sızdıŋ qajettılıkterıŋızge säikes ekrandardy «baptau» mümkındıgı önımnıŋ erekşe belgılerınıŋ bırı bolady. Yŋǧailylyq pen funksionaldylyqty bır qosymşaǧa bırıktıru arqyly sifrlyq bank käsıpkerge barlyq tranzaksiialaryn oŋai jüzege asyruǧa mümkındık beredı. Aita ketu kerek, Alfa Bank-te qysqa uaqyt ışınde komandamyz şaǧyn jäne orta biznes üşın yŋǧaily sifrlyq banktı qūra aldy jäne naryqtyŋ köşbasşysy bola aldy. Sondai-aq, bırınşı mobildı qosymşa, sifrlyq borting, onlain-şot siiaqty qyzmetterdı ıske qosu arqyly onyŋ trendsetterıne ainaldy. “Home Credit Bank” AQ-da bız öz täjıribemızdı paidalanyp, naryqty innovasiialyq önımdermen taǧy da taŋ qaldyrudy josparlap otyrmyz», - dedı “Home Credit Bank” AQ-daǧy ŞOB blogynyŋ jetekşısı Damir Kakiev.
Aldaǧy üş jylda ol “Home Credit Bank” AQ-nyŋ bizneske arnalǧan sifrlyq bankınıŋ aldyna ülken maqsat qoiyp otyr. Ol - öz segmentınde Qazaqstandaǧy üzdık üştıktıŋ bırı bolu.
Aldaǧy ekı jylda sifrlyq banktı damytuǧa investisiia şamamen 20 million dollardy qūraidy dep kütılude. Jaŋa jobanyŋ arqasynda 400-den astam jaŋa jūmys orny aşylady. Europalyq menşık ielerınıŋ ökılı bolyp tabylatyn “Home Credit Bank” AQ-nyŋ aksionerlerı bügıngı taŋda eŋ qarqyndy damyp kele jatqan Qazaqstandaǧy ŞOB segmentın damytudyŋ ülken bolaşaǧyn körıp otyr. 80%-dan asatyn qolma-qol aqşasyz ainalymnyŋ ösuı, sondai-aq Qazaqstanda GovTech-tıŋ damuy aiasynda bankter öz şeşımderın ärtürlı memlekettık derekter bazalarymen bırıktırıp, klientterge tranzaksiialardyŋ basym bölıgın onlain rejimınde ūsyna alady.
«Qazaqstanda sifrlyq qyzmet körsetu üşın qolaily jaǧdailar jasaldy: soŋǧy bırneşe jylda respublika būl baǧytta belsendı ösım körsettı jäne sifrlandyru boiynşa 30 ozyq eldıŋ qataryna endı», - dep qosty Damir Käkiev.
Sifrlyq banktı qūru qosymşa filialdar aşpai-aq, klienttık bazany ūlǧaituǧa mümkındık beredı. Būl rette käsıpkerlerdıŋ özderı qarjy instituttarynan sifrlyq şeşımderdı kütude.
Jobany ıske qosu qarsaŋynda jürgızılgen zertteu käsıpkerler tarapynan joǧary sapaly sifrlyq qyzmetterge sūranys aitarlyqtai joǧary ekenın körsettı.
Belgılı bankir jäne qarjyger Damir Käkiev “Home Credit Bank” Qazaqstanǧa biznestıŋ jaŋa türın engızuge şaqyryldy. Onyŋ jetekşılıgımen komanda Alfa Bankte ŞOB jobasyn sättı jüzege asyrdy. 5 jyldan az uaqyt ışınde būl bank klassikalyq korporativtık qarjy institutynan şaǧyn jäne orta biznes pen bölşek klientterge arnalǧan sifrlyq bankke ainaldy. The Banker, AsiaMoney, World Business Outlook Awards halyqaralyq basylymdary Alfa Banktı bırneşe ret Qazaqstan Respublikasyndaǧy ŞOB üşın eŋ üzdık bank dep tanydy jäne onyŋ ıskerlık qosymşasy Markswebb jäne SME Banking mälımetterı boiynşa EDB arasynda №1 dep tanyldy. Sondai-aq bank ŞOB segmentındegı belsendı klienttık baza boiynşa alǧaşqy üştıkke endı.
Damir Käkiev – 15 jyldyq täjıribesı bar bankir, Qazaqstan Respublikasynyŋ eŋbek sıŋırgen qarjygerı. Sberbank jäne Alfa Bankte basşy qyzmetterde jūmys ıstedı. Özbekstan men Täjıkstan bankterınde direktorlar keŋesınıŋ müşesı, «Atameken» Käsıpkerler palatasy ŞOB-tı damytu komitetınıŋ müşesı, käsıpker jäne IT jäne konsaltingtık kompaniialardyŋ negızın qalauşy.
