قازاقستاندا نەسيە الۋدان ەرىكتى تۇردە باس تارتۋ قاراستىرىلۋى مۇمكىن. بۇل تۋرالى قارجى نارىعىن رەتتەۋ جانە دامىتۋ اگەنتتىگىنىڭ دەپۋتاتتىق ساۋالىنا ايگۇل قۇسپاننىڭ بەرگەن جاۋابىندا ايتىلدى، دەپ حابارلايدى "ادىرنا" ۇلتتىق پورتالى.
"جالپى اگەنتتىك ازاماتتاردىڭ نەسيە الۋعا «ەرىكتى تىيىم سالۋ» قۇقىعىن جۇزەگە اسىرۋ مۇمكىندىگىن قولدايدى. كەلىسىلگەن پوزيتسيانى ازىرلەۋ ءۇشىن اگەنتتىك قازاقستان رەسپۋبليكاسىنىڭ ۇلتتىق بانكىمەن، قازاقستان قارجىگەرلەر اسسوتسياتسياسىمەن جانە نەسيەلىك ۇيىمدارمەن بىرلەسىپ وتىرىس وتكىزدى. ونىڭ بارىسىندا قاتىسۋشىلار دا ۇسىنىلعان باستامانى قولدادى", دەپ حابارلايدى اگەنتتىك.ولار سونداي-اق ۇسىنىلعان باستامانى ىسكە اسىرۋ مەن باسقارۋ مەحانيزمى ناقتى شەشىمدى تالاپ ەتەتىندىگىن اتاپ ءوتتى. اتاپ ايتقاندا، كەلەسى سۇراقتاردى پىسىقتاۋ قاجەت:
- ازامات وسى تىيىم سالۋدى باسقارا الاتىن پروتسەستى تولىق رەتتەۋ، ويتكەنى ونىڭ ومىرلىك جاعدايلارى وزگەرۋى نەمەسە باسقا سەبەپتەر تۋىنداۋى مۇمكىن;
- قولدانىستاعى قارىزدارعا / ميكروكرەديتتەرگە، سونداي-اق نەسيەلىك كارتالارعا «ەرىكتى تىيىم سالۋدىڭ» تارالۋىن جويۋ;
- بانكتىك زاەمدار مەن ميكروكرەديتتەرگە بولەك «ەرىكتى تىيىم سالۋدى» جۇزەگە اسىرۋ پروتسەستەرىن ءبولۋ;
- «ەرىكتى تىيىم سالۋدى» بەكىتۋ - ورتالىقتان «ءبىر تەرەزە» ارقىلى نەمەسە نەسيەلىك ۇيىمدار ارقىلى.
- كليەنت «شىنايى» نەسيەگە جۇگىنگەن كەزدە، نەسيەلىك ۇيىمعا بەلگىلەنگەن تىيىمدى الىپ تاستاۋ قاجەت بولادى، ال وسى مەرزىمدە (نەسيە بەرىلگەنگە دەيىن) الاياقتار كليەنتتىڭ اتىن جامىلىپ ەكىنشى نەسيە بەرۋ مۇمكىندىگىنە يە بولۋى مۇمكىن;
- الاياقتار نەمەسە كليەنت جۇگىنگەن نەسيەلىك ۇيىم قىزمەتكەرلەرى اراسىنان الاياقتارمەن كەلىسىپ العان ادامدار كليەنتتىڭ نەسيە بەرۋگە تىيىم سالۋىن دەربەس الىپ تاستاي الادى جانە وعان جاڭا نەسيە بەرە الادى;
- كليەنت نەسيە الۋعا جۇگىنگەن كەزدە، ەڭ الدىمەن، بەلگىلەنگەن تىيىمدى الىپ تاستاپ، قالاعان نەسيەلىك ۇيىمعا ءوتىنىش بەرۋى كەرەك.
"ادىرنا" ۇلتتىق پورتالى
ۇقساس جاڭالىقتار
