بيو-س، سۇيىقماي قىمباتتادى دەپ اۋزىمدى اشىپ جۇرگەندە كولىك باعاسى اسپانداپ كەتىپتى. ەسكى كولىكتەر ەكى باستان قىمبات قوي. ەندى اۆتوسالوندارداعى باعا وزگەرگەن.
ماسەلەن، جاڭا جىلدىڭ الدىندا عانا ورتاشا جابدىقتالعان (كومفورت) ەلانترا سالوندا 10 590 000 تەڭگە تۇراتىن. قازىرگى باعاسى 11 590 000 تەڭگە. تاپ-تازا ءبىر ليمون قوسىپتى ۇستىنە. كەيبىر مودەلدەرگە 1,2 ملن تەڭگە قوسىلعان. باعانىڭ بۇلايشا قۇبىلۋىنا قانداي فاكتور اسەر ەتكەنىن Hyundai Kazakhstan ، Hyundai Com Trans Kazakhstan, Astana Motors كومپانياسىنىڭ وكىلدەرى جاۋاپ بەرۋى ءتيىس.
بىلتىر مامىر ايىنداعى قىمباتشىلىققا دوللار باعاسى ءوستى، لوگيستيكا قيىندادى، گەوساياسي احۋال اسەر ەتتى دەپ سىلتاۋ ايتقان. ال، قازىر ءبارى تۇراقتى. دوللار كەرىسىنشە كۇننەن كۇنگە ارزانداپ بارادى. بۇرىنعىعا قاراعاندا تاسىمالداۋ جولدارى، لوگيستيكالىق باعىتتار اشىلدى. ال، رەسەي مەن ۋكراينا سوعىسى سول كۇيى ءالى جالعاسىپ جاتىر. وزگەرگەن دانەڭە جوق. ولاي بولسا ءار كولىككە ءبىر ميلليون تەڭگە قوساتىنداي نە كۇن تۋدى؟ الدە سول باياعى اشكوزدىك پە؟
مەنىڭ ويىمشا جاقىندا 4 پايىزبەن اۆتونەسيە بەرۋ باعدارلاماسىنىڭ رەۆولۆەرلىك جۇيەسى ىسكە قوسىلادى. بانكتەرگە اقشا تۇسەدى، حالىق جاپاتارماعاي سالونعا جۇگىرەدى. قىمبات بولسا دا كولىك الىپ قالايىن دەگەن نيەتپەن ەشكىم باعاسىنا قارامايدى. سوندىقتان ديللەرلەر وسىعان دامەلەنىپ، باعانى كوتەرۋ ارقىلى ءبىر اساپ قالۋدىڭ قامىنا كىرىسكەن سياقتى.
Voronina Xeniya حيۋنداي كولىكتەرىنىڭ نەلىكتەن قىمباتتاعانىن تۇسىندىرە الاسىز با؟
دياس نۇراقىن،
فەيسبۋك پاراقشاسىنان
