2026 جىلى اۆتوكولىكتى باستاپقى تىركەۋگە دەيىن تولەنۋى ءتيىس ۋتيليزاتسيالىق الىم ايلىق ەسەپتىك كورسەتكىش مولشەرىنىڭ وسۋىنە بايلانىستى كوبەيەدى. ياعني، ۋتيليزاتسيالىق الىمنىڭ بازالىق مولشەرلەمەسى (50 اەك) كوتەرىلىپ، 196 600 تەڭگەدەن 216 250 تەڭگەگە دەيىن وسەدى. بۇل تۋرالى kolesa.kz جازدى، دەپ حابارلايدى "ادىرنا".
كولىك قۇرالدارىنىڭ ءارتۇرلى ساناتتارى بويىنشا تولەنەتىن سوما:
ۋتيلالىمدى Recycle.kz سايتىندا تولەۋگە بولادى. ول ءۇشىن كولىك يەسى رەتىندە ءوتىنىمدى ءوزىنىڭ ەلەكتروندىق تسيفرلىق قولتاڭباسىمەن (ەتسق) راستاۋى قاجەت.
ەاەو-عا مۇشە ەمەس ەلدەردەن قازاقستانعا اكەلىنگەن كولىكتەر ءۇشىن وتىنىمگە كەلەسى قۇجاتتاردىڭ كوشىرمەسى قوسا بەرىلۋى كەرەك:
- اۆتوكولىكتىڭ ىشكى تۇتىنۋعا شىعارىلۋى تۋرالى كەدەندىك راسىمگە قويىلعانىن راستايتىن كەدەندىك دەكلاراتسيا;
- قازاقستان شەكاراسىنان وتكەن كۇندى راستايتىن مەملەكەتتىك باقىلاۋدان وتكەنى تۋرالى تالون;
- كولىك قۇرالىنىڭ كونسترۋكتسياسىنىڭ قاۋىپسىزدىگى تۋرالى كۋالىك (سبكتس) نەمەسە كولىك تۇرىنە رۇقسات بەرۋ تۋرالى قۇجات (وتتس).
ەگەر ۋتيليزاتسيالىق تولەمدى ەسەپتەۋ ءۇشىن قاجەتتى دەرەكتەردى انىقتاۋ مۇمكىن بولماسا، وپەراتورلار كەلەسى قۇجاتتاردى سۇراتۋى مۇمكىن:
- تاسىمالداناتىن اۆتوكولىكتەردىڭ VIN-كودى كورسەتىلگەن كولىك جۇكقۇجاتتارىنىڭ كوشىرمەسى نەمەسە حالىقارالىق تاسىمالدى راستايتىن CMR جۇكقۇجاتى;
- شوت-فاكتۋرا (invoice) كوشىرمەسى.
رەسەي، بەلارۋس، ارمەنيا نەمەسە قىرعىزستاننان (ەاەو ەلدەرى) قازاقستانعا اكەلىنگەن كولىكتەر ءۇشىن قاجەت قۇجاتتار:
- كولىك قۇرالدارىنىڭ پاسپورتىنىڭ نەمەسە تىركەۋ تۋرالى كۋالىكتىڭ سكانى;
- كولىك قۇرالى كونسترۋكتسياسىنىڭ قاۋىپسىزدىگى تۋرالى كۋالىك نەمەسە كولىك قۇرالىنىڭ ءتۇرىن ماقۇلداۋ قۇجاتىنىڭ سكانى;
- ەاەو-عا مۇشە مەملەكەت ەكسپورتتاۋشىسىنان قر يمپورتتاۋشىسىنا كولىكتى بەرۋ تۋرالى قابىلداۋ-تاپسىرۋ اكتىسىنىڭ سكانى (ەگەر بار بولسا), VIN-كودتار كورسەتىلۋى ءتيىس;
- تاسىمالداناتىن كولىكتەردىڭ VIN-كودى كورسەتىلگەن جۇكقۇجاتى نەمەسە حالىقارالىق تاسىمال CMR جۇكقۇجاتىنىڭ سكانى.
كولىكتىڭ قازاقستانعا ەنگىزىلگەن كۇنىن راستاۋ ءۇشىن قوسىمشا شەكارادا بەرىلەتىن مەملەكەتتىك باقىلاۋدان وتكەنى تۋرالى تالون نەمەسە ونىڭ كوشىرمەسى تالاپ ەتىلۋى مۇمكىن. ەگەر تالون ۇسىنىلماسا، وندا كولىكتىڭ اكەلىنگەن كۇنى رەتىندە ءوتىنىم بەرىلگەن كۇن ەسەپتەلەدى.
ايتا كەتەيىك، اۆتوكولىكتى باستاپقى تىركەۋ ءۇشىن الىناتىن الىمنىڭ ەڭ تومەنگى مولشەرى (0,25 اەك) 983 تەڭگەدەن 1081,25 تەڭگەگە دەيىن وسەدى. 3 جىلعا دەيىنگى كولىكتەردى تىركەۋ ۇشىن تولەنەتىن 50 اەك، 196 600 تەڭگەدەن 216 250 تەڭگەگە دەيىن كوتەرىلەدى. ال جاسى 3 جىلدان اسقان كولىكتەرگە ارنالعان ەڭ قىمبات باستاپقى تىركەۋ (500 اەك) 1 966 000 تەڭگەدەن 2 162 500 تەڭگەگە جەتىپ، شامامەن 200 000 تەڭگەگە ارتادى.
