DIAS NURAQYN: Voronina Xeniya Hıýndaı kólikteriniń nelikten qymbattaǵanyn túsindire alasyz ba?

3826
Adyrna.kz Telegram

Bıo-S, suıyqmaı qymbattady dep aýzymdy ashyp júrgende kólik baǵasy aspandap ketipti. Eski kólikter eki bastan qymbat qoı. Endi avtosalondardaǵy baǵa ózgergen.

Máselen, jańa jyldyń aldynda ǵana ortasha jabdyqtalǵan (komfort) Elantra salonda 10 590 000 teńge turatyn. Qazirgi baǵasy 11 590 000 teńge.  Tap-taza bir lımon qosypty ústine. Keıbir modelderge 1,2 mln teńge qosylǵan. Baǵanyń bulaısha qubylýyna qandaı faktor áser etkenin Hyundai Kazakhstan , Hyundai Com Trans Kazakhstan, Astana Motors kompanııasynyń ókilderi jaýap berýi tıis.

Byltyr mamyr aıyndaǵy qymbatshylyqqa dollar baǵasy ósti, logıstıka qıyndady, geosaıası ahýal áser etti dep syltaý aıtqan. Al, qazir bári turaqty. Dollar kerisinshe kúnnen kúnge arzandap barady. Burynǵyǵa qaraǵanda tasymaldaý joldary, logıstıkalyq baǵyttar ashyldy. Al, Reseı men Ýkraına soǵysy sol kúıi áli jalǵasyp jatyr. Ózgergen dáneńe joq. Olaı bolsa ár kólikke bir mıllıon teńge qosatyndaı ne kún týdy? Álde sol baıaǵy ashkózdik pe?

Meniń oıymsha jaqynda 4 paıyzben avtonesıe berý baǵdarlamasynyń revolverlik júıesi iske qosylady. Bankterge aqsha túsedi, halyq japatarmaǵaı salonǵa júgiredi. Qymbat bolsa da kólik alyp qalaıyn degen nıetpen eshkim baǵasyna qaramaıdy. Sondyqtan dıllerler osyǵan dámelenip, baǵany kóterý arqyly bir asap qalýdyń qamyna kirisken sııaqty.

Voronina Xeniya Hıýndaı kólikteriniń nelikten qymbattaǵanyn túsindire alasyz ba?

Dıas NURAQYN,

Feısbýk paraqshasynan

Pikirler