رەسەيدە قازاقستاندىقتاردى 32 ميلليون تەڭگە جانە 14 مىڭ دوللار كولەمىندە الداعان قازاقستان مەن وزبەكستان ازاماتتارى ۇستالدى، دەپ حابارلايدى "ادىرنا" ۇلتتىق پورتالى Polisia.kz-كە سىلتەمە جاساپ.
«ماسكەۋدە 28 جاستاعى قازاقستاندىق ۇستالدى. ول الماتىدا 2024 جىلدىڭ ءساۋىرى مەن قازانى ارالىعىندا جەرگىلىكتى تۇرعىنداردىڭ قىمبات سمارتفوندارىن ساتۋعا ۋادە ەتىپ، كەيىن ءىزىن جاسىرعان. ەر ادام جەتى ادامدى الداعان»، – دەپ حابارلادى پوليتسيا.
مالىمەتتەرگە سۇيەنسەك، شىعىن 32 ميلليون تەڭگەدەن اسادى.
« شىمكەنت پوليتسيا قىزمەتكەرلەرى رەسەي ارىپتەستەرىمەن بىرگە 36 جاستاعى وزبەكستان ازاماتىن ۇستاعان. ول 2014 جىلى شىمكەنت تۇرعىنىنا تيەسىلى جەر ۋچاسكەسىن الداپ ساتۋمەن 14 مىڭ دوللار شىعىن كەلتىرگەن»، – دەلىنگەن حابارلامادا.
2025 جىلدىڭ باسىنان بەرى قازاقستان شەكاراسىنان تىس جەردە 11 قىلمىسكەر تابىلسا، ەل ىشىندە 44 قىلمىسكەر ۇستالعان.
