اقپاندا اي-92 قىمباتتايدى. بۇل تۋرالى قازاقستان جانارماي قاۋىمداستىعى مالىمدەگەن، دەپ حابارلايدى “ادىرنا” ۇلتتىق پورتالى kolesa.kz سايتىنا سىلتەپ.
اقپاراتقا سايكەس، قازاقستان جانارماي قاۋىمداستىعى مەملەكەت بەنزين مەن ديزەل باعاسىن رەتتەۋدەن باس تارتقاندىقتان 1 اقپاننان باستاپ Energy Group جانە «قازمۇنايگاز» سياقتى جەتكىزۋشىلەر جانارمايدىڭ كوتەرمە باعاسىن وسىرگەنىن جاريالاعان.
قاۋىمداستىق وكىلدەرىنىڭ بولجامىنشا، وسى ايدا كاسىپكەرلەر قۇنى جوعارى تاۋار الىپ جاتىر. اي-92-ءنىڭ باعاسى ورتا ەسەپپەن 4 تەڭگە كوتەرىلدى. سول سەبەپتى قىستىڭ اياعىنا قاراي جانار-جاعارماي سول شامادا قىمباتتايدى.
سالا ماماندارى بەنزين باعاسىنا قوسىلعان ءار 4 نە 3 تەڭگەنىڭ 80 %-ى جاڭا اكتسيز ءتۇرى رەتىندە بيۋدجەتكە تۇسەتىنىن اتاپ ءوتتى. قوسىمشا اكتسيز مولشەرلەمەسىن بەكىتەتىن ۇكىمەت قاۋلىسىنا ەنەتىن تۇزەتۋ دايىندالعانمەن، ءالى قابىلدانعان جوق.
ءبىراز ۋاقىت بۇرىن شەندىلەر بەنزين باعاسىن بىرتىندەپ كوتەرەمىز دەپ ۋادە بەرگەن، اي-92-ءنىڭ باعاسى 300 تەڭگەگە جەتەدى.
