قازاق ەلىنە +1 بەستسەللەر. Mazmundama باسپاسى الەم وقىرماندارى جارىسا وقيتىن كريستين حاننانىڭ ەڭ مىقتى تۋىندىسى “بۇلبۇل” ەڭبەگىن قازاق تىلىنە اۋداردى، دەپ حابارلايدى “ادىرنا” ۇلتتىق پورتالى.
بۇگىندە كريستين حاننانىڭ شىعارماشىلىعى 45 تىلگە، ەندى 46 تىلگە اۋدارىلدى دەسەك بولادى. ويتكەنى، بۇل ەڭبەك 2015 جىلى Goodreads ەڭ ۇزدىك تاريحي كوركەم شىعارما دەپ باعالاسا، سول جىلى People's Choice award جىلدىڭ ۇزدىك كوركەم شىعارماسى دەگەن.
سونداي-اق، Amazon, iTunes, Buzzfeed, the Wall Street Journal, Paste, and The Week سىندى باسىلىمدار “جىل كىتابى” دەپ تانىعان. الەم وقىرماندارى جوعارى بالاعان روماندى قازاق وقىرماندارىنا ۇسىنۋ ءۇشىن اۆتوردان قۇقىعىن الىپ، داۋرەن بەرىكقاجى اۋدارعان.
Mazmundama باسىلىمىنىڭ باسشىسى شىڭعىس مۇقان دا بۇل تۋىندىنى وقىپ، عاشىق بولعانىن جاسىرمادى.
“تەمىردەي توزىمدىلىك پەن شىنايى ادام رۋحى تەك سوعىس كەزىندە عانا كورىنىس تاپسا كەرەك. جوڭعارلارمەن سوعىس قازاقتىڭ قانشاما ۇلىن باتىر ەتسە، ەكىنشى دۇنيەجۇزىلىك سوعىس كەزىندە ادامزات بۇرىن-سوڭدى كورمەگەن باتىرلىقتىڭ كۋاسى بولدى، قازىرگى ۋكرايناداعى جانكەشتىلىك تە وسى اقيقاتتى راستايدى. دەگەنمەن سوعىس تەك قانا ەرلەردىڭ ءىسى ەمەس. سوعىستى ايەلدىڭ كوزىمەن كورىپ، ايەل بولمىسىمەن سەزىنگىڭىز كەلسە، “بۇلبۇلدى” وقىڭىز. وسى تۋىندىنى ەكى جىل بۇرىن Amazon-دا كوردىم. وقىپ شىقتىم دا عاشىق بولدىم. ەلۋ مىڭعا جۋىق رەۆيۋ. ال Goodreads-ءدىڭ جارتى ميلليون وقىرمانى بەس دەپ باعالاعان. سۇمدىق، ءيا!
بۇل روماندا ءبارى بار: ءۇمىت، كۇدىك، ماحاببات، ساتقىندىق، باتىلدىق، مەيىرىم… جىلاماي، كۇلمەي، تۇڭىلمەي، ءۇمىت ەتپەي وقىماۋ مۇمكىن ەمەس، سەزىمىڭىزدىڭ بارلىق پەرنەسىن باساتىن ومىرلىك رومان”،- دەدى شىڭعىس مۇقان.
