Álemdik bestseller qazaq tilinde jaryqqa shyqty

3346
Adyrna.kz Telegram

Qazaq eline +1 bestseller. Mazmundama baspasy álem oqyrmandary jarysa oqıtyn Krıstın Hannanyń eń myqty týyndysy “Bulbul” eńbegin qazaq tiline aýdardy, dep habarlaıdy “Adyrna” ulttyq portaly.

Búginde Krıstın Hannanyń shyǵarmashylyǵy 45 tilge, endi 46 tilge aýdaryldy desek bolady. Óıtkeni, bul eńbek 2015 jyly Goodreads eń úzdik tarıhı kórkem shyǵarma dep baǵalasa, sol jyly People's Choice award jyldyń úzdik kórkem shyǵarmasy degen.

Sondaı-aq, Amazon, iTunes, Buzzfeed, the Wall Street Journal, Paste, and The Week syndy basylymdar “Jyl kitaby” dep tanyǵan.  Álem oqyrmandary joǵary balaǵan romandy qazaq oqyrmandaryna usyný úshin avtordan quqyǵyn alyp, Dáýren Berikqajy aýdarǵan.

Mazmundama basylymynyń basshysy Shyńǵys Muqan da bul týyndyny oqyp, ǵashyq bolǵanyn jasyrmady.

“Temirdeı tózimdilik pen shynaıy adam rýhy tek soǵys kezinde ǵana kórinis tapsa kerek. Jońǵarlarmen soǵys qazaqtyń qanshama ulyn batyr etse, Ekinshi dúnıejúzilik soǵys kezinde adamzat buryn-sońdy kórmegen batyrlyqtyń kýási boldy, qazirgi Ýkraınadaǵy jankeshtilik te osy aqıqatty rastaıdy. Degenmen soǵys tek qana erlerdiń isi emes. Soǵysty áıeldiń kózimen kórip, áıel bolmysymen sezingińiz kelse, “Bulbuldy” oqyńyz. Osy týyndyny eki jyl buryn Amazon-da kórdim. Oqyp shyqtym da ǵashyq boldym. Elý myńǵa jýyq revıý. Al Goodreads-diń jarty mıllıon oqyrmany bes dep baǵalaǵan. Sumdyq, ıá!

Bul romanda bári bar: úmit, kúdik, mahabbat, satqyndyq, batyldyq, meıirim… Jylamaı, kúlmeı, túńilmeı, úmit etpeı oqymaý múmkin emes, sezimińizdiń barlyq pernesin basatyn ómirlik roman”,- dedi Shyńǵys Muqan.

 

Pikirler