احمەت بايتۇرسىنۇلى مۋزەي-ءۇيىنىڭ عىلىمي قىزمەتكەرى، اباي اتىنداعى ۇلتتىق پەداگوگيكالىق ۋنيۆەرسيتەتىنىڭ اباي ۋنيۆەرسيتەتى پروفەسسورى سۆەتلانا سماعۇلوۆانىڭ «زۇلمات جىلدار زاردابى» اتتى زەرتتەۋ ەڭبەگى باسپادان شىقتى. بۇل تۋرالى الماتى قالاسى مۋزەيلەر بىرلەستىگى مالىمدەدى، دەپ حابارلايدى “ادىرنا” ۇلتتىق پورتالى.
مونوگرافيالىق ەڭبەكتە حح عاسىردىڭ 30 جىلدارىنداعى قازاق جەرىندە ءتۇرلى ساياسي ناۋقانداردىڭ جۇرگىزىلۋ بارىسى، ۇكىمەت تاراپىنان كورسەتىلگەن قىسىمشىلىق، نارازىلىقتار مەن كوتەرىلىستەر جايلى ايتىلادى. اۆتور ساياسي جاعدايلارعا توقتالا وتىرىپ، 1931-1933 جىلدارىنداعى اشتىقتىڭ شىعۋ سەبەبى مەن سالدارىنا، اشتىق بارىسىنداعى ۇكىمەتتىڭ جۇرگىزگەن ءىس-شارالارى مەن قازاق ازاماتتارىنىڭ جوعارى ورىندارعا جىبەرگەن حاتتارى، بالالاردىڭ اشىعۋى، ۇلت قايراتكەرلەرىنىڭ اشتىق اۋىزدىقتاۋداعى قىزمەتى جان-جاقتى تالدايدى.
كىتاپ گۋمانيتارلىق عىلىمدار سالاسى ماماندارىنا، جوعارى وقۋ ورىندارىنىڭ وقىتۋشىلارىنا، ستۋدەنتتەرىنە، ماگيسترانتتار مەن دوكتورانتتارىنا، سونداي-اق كوپشىلىك وقىرمان قاۋىمعا ارنالادى.
باسپاعا ل.ن. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ عىلىمي كەڭەسى ۇسىنعان.
وقىرمان نازارىنا سالا كەتەلىك، احمەت بايتۇرسىنۇلى مۋزەي-ۇيىندە 31-مامىر اشارشىلىق پەن ساياسي قۋعىن-سۇرگىن قۇرباندارىن ەسكە الۋ كۇنى “زۇلمات جىلدار زاردابى” اتتى دوڭگەلەك ۇستەل وتەتىنى حابارلانعان بولاتىن. شارا اياسىندا اتالعان كىتاپتىڭ دا تۇساۋكەسەرى وتەدى. دوڭگەلەك ۇستەلگە تاريحشى، الاشتانۋشى عالىمدار، مۋزەي-ءۇي جانكۇيەرلەرى جانە مۋزەيدە پراكتيكادان ءوتىپ جاتقان ستۋندەتتەر قاتىسادى.
