ەكى ايدىڭ ىشىندە بالالاردى 1-سىنىپقا قابىلداۋعا 250 مىڭنان استام ءوتىنىش ءتۇستى. ونىڭ ىشىندە بالالاردىڭ 70,5%-ى مەملەكەتتىك تىلدە وقۋدى تاڭداعان. بۇل تۋرالى بعم ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ءبىرىنشى سىنىپقا وتىنىشتەردى قابىلداۋ 2022 جىلعى 1 ساۋىردە باستالىپ، 1 تامىزعا دەيىن جالعاسادى. ازاماتتارعا ىڭعايلى بولۋ ءۇشىن قىزمەت اۆتوماتتاندىرىلدى. قۇجاتتاردى قابىلداۋ egov.kz پورتالى ارقىلى جۇرگىزىلىپ جاتىر. سونداي-اق اتا-انالاردىڭ ءوتىنىشى بويىنشا قۇجاتتاردى ءداستۇرلى قاعاز فورماتىندا دا تاپسىرۋعا بولادى.
«قۇجاتتاردى قابىلداۋ شتاتتىق رەجيمدە ءجۇرىپ جاتىر. وسى رەتتە قۇجاتتاردى تاپسىرۋدا اتا-انالاردىڭ بەلسەندىلىگىن بايقاۋعا بولادى. بيىل مەملەكەتتىك تىلدە ءبىلىم العىسى كەلەتىن 1-سىنىپ بالالارى كوبەيدى. قازاق تىلىندە وقيتىن سىنىپتارعا قابىلداۋدىڭ ەڭ جوعارى كورسەتكىشى ماڭعىستاۋ (91%), قىزىلوردا (91,5%), جامبىل (82,2%) جانە اتىراۋ (80,1%) وبلىستارىندا تىركەلدى»، – دەدى بعم مەكتەپكە دەيىنگى جانە ورتا ءبىلىم كوميتەتىنىڭ توراعاسى گۇلميرا كارىموۆا.جاڭا وقۋ جىلىندا 1-سىنىپقا بارلىعى 400 مىڭنان استام قازاقستاندىق بالا بارادى دەپ كۇتىلىپ وتىر.
”ادىرنا” ۇلتتىق پورتالى
ۇقساس جاڭالىقتار
