"مەملەكەتتىك ءتىلدى بىلمەيتىندەرگە قر ازاماتتىعىن بەرمەيمىز!" - پرەمەر-مينيستر

10263
Adyrna.kz Telegram

قر پرەمەر-ءمينيسترى ءاليحان سمايىلوۆتىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا ەل زاڭناماسىنا مەملەكەتتىك ءتىلدى بىلمەيتىندەردى ازاماتتىققا قابىلداۋدان باس تارتۋدى كوزدەيتىن تۇزەتۋلەر ازىرلەنەتىنىن جەتكىزدى. بۇل تۋرالى inform.kz حابارلادى، دەپ جازادى "ادىرنا" ۇلتتىق پورتالى. 

«قازىرگى ۋاقىتتا «قازاقستان رەسپۋبليكاسىنىڭ ازاماتتىعى تۋرالى» زاڭعا مەملەكەتتىك ءتىلدى، تاريح پەن ۇلتتىق زاڭنامانىڭ نەگىزدەرىن بىلمەۋدى ازاماتتىققا قابىلداۋدان جانە قالپىنا كەلتىرۋدەن باس تارتۋ ءۇشىن قوسىمشا نەگىز رەتىندە كوزدەيتىن، سونداي-اق قوس ازاماتتىعى فاكتىلەرىنىڭ الدىن الۋعا باعىتتالعان تۇزەتۋلەر ازىرلەندى»، - دەپ اتاپ ءوتتى ۇكىمەت باسشىسى.

پرەمەر-ءمينيستردىڭ ايتۋىنشا، اتالعان زاڭنامالىق تۇزەتۋلەر پارلامەنت دەپۋتاتتارى باستاما جاساعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا پارلامەنت دەپۋتاتتارىنىڭ تۇزەتۋلەرىنە، ۇكىمەت قورىتىندىسىنىڭ جوباسىنا ەنگىزىلدى.

ايتا كەتەيىك، ءماجىلىس دەپۋتاتتارىنىڭ ساۋالىندا قونىس اۋدارۋشىلاردىڭ قوس ازاماتتىعىن تەكسەرۋگە جانە قۇقىقتىق ءىس-شارالار قابىلداۋعا قاتىستى ماسەلەلەر كوتەرىلگەن بولاتىن.

"ادىرنا" ۇلتتىق پورتالى 

پىكىرلەر