اتىراۋ قالاسىنىڭ اكىمشىلىك ىستەر جونىندەگى مامانداندىرىلعان سوتىندا «قازاق ۇلتتىق قىزدار مەكتەبى» جشس ۇستىنەن اكىمشىلىك ءىس قارالىپ جاتىر، دەپ جازادى "ادىرنا" ۇلتتىق پورتالى.
"اق جايىق" باسىلىمىنىڭ حابارلاۋىنشا، بۇدان بۇرىن اتىراۋ وبلىسى بويىنشا ءبىلىم سالاسىندا ساپانى قامتاماسىز ەتۋ دەپارتامەنتى باسشىسىنىڭ م.ا. بەردىبەك تايشەۆ قر اقبتك-ءنىڭ 463-بابىنىڭ 1-تارماعى («تيiستi تiركەۋسiز كاسىپكەرلىك نەمەسە وزگە دە قىزمەتپەن اينالىسۋ») بويىنشا اكىمشىلىك قۇقىقبۇزۋشىلىق تۋرالى حاتتاما تولتىرىپ، سوتقا جولداعان.
- مەكتەپ ديرەكتورى جۇمازيا جولمۇحانوۆا مەنىڭ وقۋ ورنىن ۇلتتىق ءبىلىم بەرۋ دەرەكتەر قورىندا تىركەپ، مەكتەپ جۇمىسىنا رۇقسات بەرگەنىمدى ايتادى. بىراق مەن ەشقانداي رۇقسات بەرگەن جوقپىن، - دەيدى ب.تايشەۆ.
- كەز كەلگەن مەنشىك نىسانىنداعى وقۋ ورنى ادىلەت مينيسترلىگىندە تىركەلگەننەن كەيىن ليتسەنزيا الۋعا ءوتىنىش بەرۋى كەرەك، بىراق بەرە المايدى. ونى التى ايدىڭ ىشىندە الادى. وقۋ ورنى ليتسەنزيانى الماي تۇرىپ، قىزمەتىن باستاپ كەتە المايدى. جارتى جىل ىشىندە ليتسەنزيا الۋعا ءتيىستى قۇجاتتارى جينالادى. وسى ۋاقىت ىشىندە كەز-كەلگەن ۋاقىتتا ليتسەنزيا الۋعا ءوتىنىش بەرە الادى، - دەيدى تايشەۆ.
قازىرگى كەزدە مەكتەپ جۇمىس جاساپ جاتىر. مەكتەپ ديرەكتورى جۇمازيا جولمۇحانوۆا ليتسەنزيا الۋ ءۇشىن تالاپ ەتىلگەن قۇجاتتاردى دەپارتامەنتكە تاپسىرعان.
- قر «ءبىلىم تۋرالى» زاڭىنىڭ 40-بابى 2-1-تارماعىندا، ەگەر وقۋ ورنى جۇمىسىن باستاعان ۋاقىتتان باستاپ التى اي ىشىندە ليتسەنزيا الماسا، وندا ونىڭ قىزمەتى سوت تارتىبىمەن توقتاتىلادى دەلىنگەن.
ءبىلىم سالاسىن باقىلاۋ دەپارتامەنتى ماعان 6 اي ىشىندە ليتسەنزيا الىپ، مۇعالىمدەردى جالداپ، قاجەتتىنىڭ ءبارىن ساتىپ الۋعا ۇلگەرۋىمىز كەرەكتىگىن ايتتى. مەن دە التى ايدىڭ ىشىندە جۇمىسقا كىرىسىپ، ليتسەنزيا راسىمدەۋ كەرەك ەكەنىن، ايتپەسە جابىلىپ قالاتىنىمىزدى ءتۇسىندىم، – دەيدى ج.جولمۇحانوۆا.
ەگەر قولدانىستاعى زاڭعا قاراساق، ليتسەنزيا الۋ ءۇشىن وقۋشىلار كونتينگەنتى جانە پەداگوگ كادرلار تۋرالى مالىمەتتەردى ەنگىزۋمىز قاجەت. ال مۇعالىم جالاقى الماسا نەمەسە وقۋشى ءبىلىم المايتىن بولسا، وندا مۇنداي مەكتەپكە ەشكىم كەلمەيدى. قازىرگى تاڭدا ءبىز ءۇشىن جوعارىداعى اتالعان قۇقىقتىق اكتىلەر مەن زاڭدار اراسىندا بىرىزدىلىك، ءوزارا ۇندەستىك تابىلماي وتىرعان سياقتى.
ەستەرىڭىزگە سالا كەتەيىك، بۇعان دەيىن “ادىرنا” ۇلتتىق پورتالىنا نۇرگۇل مۋكۋشەۆا ەسىمدى بلوگەر اتىراۋدا ءسالافي يسلاميستەردىڭ ءبۇلدىرشىن قىزداردىڭ قۇقىن تاپتاپ، بەت-ءجۇزىن تۇمشالاۋ ماقساتىندا "ۇلتتىق قىزدار مەكتەبى" دەيتىن سالافيلىك باعىتتاعى جاڭا مەكتەپ اشىلعانىن حابارلاعان بولاتىن.
كەيىن ۇلتتىق قىزدار مەكتەبىنە قاتىستى اقپاراتقا اتىراۋ وبلىستىق ءبىلىم باسقارماسى جاۋاپ بەرىپ، اتالمىش جەكە ۇيىمعا وكىلەتتى ورگانداردان ليتسەنزيا بەرىلمەگەنىن حابارلاپ، تەكسەرۋ قورىتىندىسى بويىنشا بارلىق قاجەتتى شارالار قابىلداناتىن بولادى دەگەن بولاتىن.
"ادىرنا" ۇلتتىق پورتالى
