Jelini shýlatqan «Qazaq ulttyq qyzdar mektebi» ústinen is qozǵaldy

2044
Adyrna.kz Telegram

Atyraý qalasynyń ákimshilik ister jónindegi mamandandyrylǵan sotynda «Qazaq ulttyq qyzdar mektebi» JShS ústinen ákimshilik is qaralyp jatyr, dep jazady "Adyrna" ulttyq portaly. 

"Aq jaıyq" basylymynyń habarlaýynsha, budan buryn Atyraý oblysy boıynsha bilim salasynda sapany qamtamasyz etý departamenti basshysynyń m.a. Berdibek TAIShEV QR ÁQBtK-niń 463-babynyń 1-tarmaǵy («Tıisti tirkeýsiz kásipkerlik nemese ózge de qyzmetpen aınalysý») boıynsha ákimshilik quqyqbuzýshylyq týraly hattama toltyryp, sotqa joldaǵan.

- Mektep dırektory Jumazııa Jolmuhanova meniń oqý ornyn Ulttyq bilim berý derekter qorynda tirkep, mektep jumysyna ruqsat bergenimdi aıtady. Biraq men eshqandaı ruqsat bergen joqpyn, - deıdi B.Taıshev.

- Kez kelgen menshik nysanyndaǵy oqý orny Ádilet mınıstrliginde tirkelgennen keıin lıenzııa alýǵa ótinish berýi kerek, biraq bere almaıdy. Ony alty aıdyń ishinde alady. Oqý orny lıenzııany almaı turyp, qyzmetin bastap kete almaıdy. Jarty jyl ishinde lıenzııa alýǵa tıisti qujattary jınalady. Osy ýaqyt ishinde kez-kelgen ýaqytta lıenzııa alýǵa ótinish bere alady, - deıdi Taıshev.

Qazirgi kezde mektep jumys jasap jatyr. Mektep dırektory Jumazııa Jolmuhanova lıenzııa alý úshin talap etilgen qujattardy departamentke tapsyrǵan.

- QR «Bilim týraly» Zańynyń 40-baby 2-1-tarmaǵynda, eger oqý orny jumysyn bastaǵan ýaqyttan bastap alty aı ishinde lıenzııa almasa, onda onyń qyzmeti sot tártibimen toqtatylady delingen.

Bilim salasyn baqylaý departamenti maǵan 6 aı ishinde lıenzııa alyp, muǵalimderdi jaldap, qajettiniń bárin satyp alýǵa úlgerýimiz kerektigin aıtty. Men de alty aıdyń ishinde jumysqa kirisip, lıenzııa rásimdeý kerek ekenin, áıtpese jabylyp qalatynymyzdy túsindim, – deıdi J.Jolmuhanova.

Eger qoldanystaǵy zańǵa qarasaq, lıenzııa alý úshin oqýshylar kontıngenti jáne pedagog kadrlar týraly málimetterdi engizýmiz qajet. Al muǵalim jalaqy almasa nemese oqýshy bilim almaıtyn bolsa, onda mundaı mektepke eshkim kelmeıdi. Qazirgi tańda biz úshin joǵarydaǵy atalǵan quqyqtyq aktiler men zańdar arasynda birizdilik, ózara úndestik tabylmaı otyrǵan sııaqty.

Esterińizge sala keteıik, buǵan deıin “Adyrna” ulttyq portalyna Nurgúl Mýkýsheva esimdi bloger Atyraýda sáláfı ıslamısterdiń búldirshin qyzdardyń quqyn taptap, bet-júzin tumshalaý maqsatynda "Ulttyq qyzdar mektebi" deıtin sáláfılik baǵyttaǵy jańa mektep ashylǵanyn habarlaǵan bolatyn.

Keıin Ulttyq qyzdar mektebine qatysty aqparatqa Atyraý oblystyq Bilim basqarmasy jaýap berip, atalmysh jeke uıymǵa ókiletti organdardan lıenzııa berilmegenin habarlap, tekserý qorytyndysy boıynsha barlyq qajetti sharalar qabyldanatyn bolady degen bolatyn.

"Adyrna" ulttyq portaly 

 

Pikirler