12 جاسىندا فەيەرۆەرك جارىلىسىنان كەيىن قولىنان ايىرىلعان قۋانىش اسقار جاڭا جىل قارساڭىندا جاستارعا ەسكەرتۋ جاسادى، دەپ حابارلايدى "ادىرنا" ۇلتتىق پورتالى.
2000 جىلى قۋانىش اسقار دوستارىمەن ويناپ ءجۇرىپ، فەيەرۆەرك سىندى وتشاشۋ مەن جارىلعىش زاتتاردى تاۋىپ العان. 12 جاستاعى بالالار وتشاشۋ جارىلعاننان كەيىن زارداپ شەككەن.
ەڭ قاتتى زارداپ شەككەن - قۋانىش اسقار. ونىڭ قولى جۇلىنعان. قولىنان ايىرىلعان ازامات جاڭا جىلدا وتشاشۋ اتقاندى ۇناتاتىندارعا ۇندەۋ جاسادى.
"ەگەر بالالار فەيەرۆەرك، پەتاردا نەمەسە باسقا دا قاۋىپتى زاتتاردى تاپسا، ولارعا تيىسپەۋ كەرەك. ۇلكەندەردى شاقىرىڭدار. قازىر قاۋىپسىز ءارى قىزىقتى باسقا دا كوپ ويىن-ساۋىق بار", – دەيدى ول.
جاسوسپىرىمدەرگە ۇندەۋ جاساعان قۋانىش ۋاقىتتى بوسقا وتكىزبەۋگە كەڭەس بەرەدى.
"وقىڭدار، سپورتپەن اينالىسىڭدار، حوببي تابىڭدار. ءبىر نارسەگە قىزىعۋ – ومىرلەرىڭدى ساقتاپ قالۋى مۇمكىن", – دەپ تۇيىندەدى سپورتشى.
