ءدىنتانۋشى تۇراربەك قۇسايىنۇلى مەملەكەت باسشىسى قاسىم-جومارت توقاەۆقا ۇندەۋ جاريالادى، دەپ حابارلايدى «ادىرنا» ءتىلشىسى.
«قازاقستاندا ءدىني ەكسترەميزم جانە تەرروريزممەن كۇرەس جونىندەگى مەملەكەتتىك باعدارلامانى جۇزەگە اسىرۋ ءۇشىن 2013-2017 جىلدار ارالىعىندا 200 ملرد.تەڭگە جۇمسالعان ەكەن. ول ۋاقىتتا كارىم ءماسىموۆ پرەمەر-مينيستر ەدى. ال ەندى كارىم ءماسىموۆ ۇلتتىق قاۋىپسىزدىك كوميتەتىنە جەتەكشىلىك ەتكەن، ياعني 2019-2021 جىلدار ارالىعىندا ەكسترەميزم مەن تەرروريزمگە قارسى 100 ميللياردتان استام قارجى ءبولىندى.
مىسالى تۇركياداعى بەكبولات تىلەۋحان جۋرناليست نارتاي ارالبايۇلىنا بەرگەن سۇحباتىندا مەملەكەتكە وپازدىق جاساۋ، بيلىكتى كۇشپەن باسىپ الۋ جانە لاۋازىمدىق مىندەتتەرىن اسىرا پايدالاندى دەپ ايىپ تاعىلعان كارىم ءماسىموۆتىڭ ساياساتكەر رەتىندە ەرەكشە قاسيەتىن باعالاپ، جەر-كوككە سىيعىزباي ماقتادى.
«ول وتە تەرەڭ ساياساتكەر. سەنىڭ اگرەسسياڭا اگرەسسيامەن جاۋاپ بەرۋ جوق. قۇداي ساقتاسىن، كەزدەسكەن جەردە جورعالاپ الدىڭا ءتۇسىپ الادى، كۇلىمدەپ شىعارىپ سالادى. وتە تەرەڭ ساياساتكەر ادام. ءبىزدىڭ قازاقتىڭ اراسىندا سونداي ادام بار ما، جوق پا بىلمەيمىن»، — دەگەن بەكبولات تىلەۋحان ءوزى پاتروناج جاسايتىن ء"ال-باراكات" يسلامي قورى ارقىلى، ۇمىتپاسام 2007 جىلى اتاقتى ازىربايجاندىق ءسالافي يدەولوگى ەلمير كۋليەۆتى قازاقستانعا ارنايى شاقىرىپ، پرەمەر-مينيستر كارىم ماسىموۆپەن تانىستىرعان-دى. سونىڭ ناتيجەسىندە ن.نازارباەۆتىڭ تىكەلەي قولداۋىمەن ۋاحابي ەلمير كۋليەۆتىڭ 10 مىڭ دانادان استام سالافيلىك سارىنداعى "تافسير ساادي" كىتابى قمدب مەشىتتەرىنە تەگىن تاراتىلدى. سول سالافيلىك باعىتتاعى نازارباەۆتىڭ قازاقتى ارابتاندىرۋ ماقساتىنداعى سىيلىق ءھام تەگىن كىتابىن وقىعان قر ازاماتى ابىلايحان شاليمباەۆ كوپ جىلدارعا سوتتالىپ كەتتى.
ەڭ پارادوكستى جايت قر ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتى ارنايى ءدىني ساراپتاما جاساپ، ءسالافي ەلمير كۋليەۆتىڭ اتالمىش "تافسير ساادي"كىتابىنا تەرىس قورىتىندى بەرگەن.
اتاپ ايتقاندا نورماتيۆتىك-قۇقىقتىق اكتىلەرگە سايكەس، ءدىن ىستەرى كوميتەتى تەرىس قورىتىندى بەرگەن ءدىني ادەبيەتتەردى قر اۋماعىندا تاراتۋعا تىيىم سالعان.سونىمەن قاتار، بۇگىندە ءسالافيزمدى قوسا العاندا، ءداستۇرلى ەمەس يدەولوگيانى ناسيحاتتايتىن ەلىمىزدىڭ وڭىرلەرىندەگى بارلىق ءدىني ءونىمنىڭ جولىن كەسۋ بويىنشا ءىس-شارالار جۇرگىزىلۋدە دەگەن ءدىن ىستەرى كوميتەتى ءسالافيزمدى اشىق ناسيحاتتاعان نۇرسۇلتان نازارباەۆ پەن ونىڭ اۋلەتىنە كەلگەندە نەگە تىم-تىرىس ءھام ۇنسىزدىك تانىتادى؟!
الدە بۇدان شىعاتىن قورىتىندى مونارحيالىق ءسالافيزمدى اڭساعان نازارباەۆ پەن ونىڭ اۋلەتى جانە سول ساياسي جوبانى جۇزەگە اسىرعىسى كەلگەن كارىم ءماسىموۆ، قايرات ساتىبالدى،بەكبولات تىلەۋحان، مۇحامەدجان تازابەك سياقتىلار ءدىني ەكسترەميزمگە قارسى باعىتتالعان 300 ميللياردتان استام حالىقتىڭ اقشاسىن، ءوز بيدايىن وزىنە قۋىرىپ، ياعني ورتاعاسىرلىق ارابي-پارسى يدەولوگيانى قازاقتىڭ ساناسىنا تىقپالاۋ مەن شىرماۋعا جۇمساعان با؟! بۇل دەگەن قاسقىرعا قوي باقتىرۋ ەمەس پە؟!
وسى فاكتىلەردى العا تارتا وتىرىپ، قۇزىرلى ورگاندار مەن مەملەكەت باسشىسىنان قاماۋداعى كارىم ءماسىموۆتىڭ ۇكىمەت پەن ۇقك باسقارعان كەزىندەگى ەكسترەميزم-تەرروريزمگە قارسى كەشەندى كۇرەس باعدارلاماسىنا جۇمسالعان،ياعني حالىقتىڭ قىرۋار اقشاسىنىڭ ەسەبىن بەرۋىن تالاپ ەتەمىن!»—دەدى ول.
