"ەكى مەملەكەت، ءبىر ميلليەت (ۇلت)" يدەياسىن مىقتاپ ۇستاناتىن ءازىربايجان مەملەكەتكەتى تۇرىك باۋىرلارىنا قول ۇشىن سوزۋ ماقساتىندا قۇتقارۋشىلار توبىن جاساقتاپ، دەرەۋ جەتتى. تارقاتىپ ايتقاندا، باۋىرلاس ەلدىڭ ازاماتتارى التىنشى اقپان، ءتۇساۋا تۇرىك توپىراعىنا كەلىپ قوندى. ءازىربايجان اقپارات پورتالىنىڭ حابارلاۋىنشا، ولار تۇركياعا العاشقى بولىپ قول ۇشىن سوزعان. قازاق ەلىنىڭ ازاماتتارى دا باۋىرلاردى قولداۋعا اتتاندى، دەپ حابارلايدى "ادىرنا" ۇلتتىق پورتالى.
تۇرىك باق-تارىنىڭ حابارلاۋىنشا، توتەنشە جاعدايلار مينيسترلىگى ازەربايجان رەسپۋبليكاسىنىڭ پرەزيدەنتى يلحام اليەۆتىڭ تاپسىرماسى بويىنشا باۋىرلاس ەلگە 370 ادامنان تۇراتىن جەدەل ارەكەت ەتۋ جانە قۇتقارۋ كۇشتەرىن جىبەرۋگە دايىن ەكەنىن جاريالاعان.
سونىمەن قاتار، بۇگىن ازەربايجان پرەزيدەنتى يلحام اليەۆتىڭ تاپسىرماسىنا سايكەس، تۇركياداعى قاتتى جەر سىلكىنىسىنىڭ سالدارىن جويۋ، وڭتايلاندىرۋ ماقساتىندا باۋىرلاس ەلگە توتەنشە جاعدايلار مينيسترلىگىنىڭ تاعى ەكى ۇشاعى بارادى.
قازاقستان تجم قۇتقارۋشىلارى دا الماتىدان جەر سىلكىنىسى سالدارىن جويۋعا كومەك كورسەتۋ ءۇشىن تۇركياعا اتتاندى. بۇعان قاتىستى اسكەري جۋرناليست امانگەلدى قۇرمەتۇلى ون ءتورت ساعات بۇرىن تومەندەگىدەي پىكىر بىلدىرگەن:
"قازاقستان قۇتقارۋشىلارى تۇركياعا ۇشپاق ەكەن. الدىمەن استانادان الماتىعا ۇشادى. سودان سوڭ تۇركياعا اتتانادى. بىراق الماتى اۋەجايى تجم ۇشاعىن ازىرگە قابىلداي المايدى ەكەن. اۋا-رايىنىڭ قولايسىزدىعى بولار. دەمەك ءبىزدىڭ قۇتقارۋشىلار ەرتە دەگەندە ەرتەڭ جەتەدى-اۋ" دەپ جازدى اۆتور.
"ادىرنا" ۇلتتىق پورتالى
