مەكتەپ ءبىتىرۋشى تۇلەكتەردىڭ الدىنداعى ۇلكەن سىناق ول - ۇبت. بيىل مەملەكەتتىك ءبىلىم گرانتىن تاعايىنداۋ كونكۋرسىنا قاتىسۋ ءۇشىن ۇلتتىق بىرىڭعاي تەستىلەۋ العاش رەت ەلەكتروندىق فورماتتا 15 ءساۋىر - 30 ماۋسىم ارالىعىندا وتكىزىلەتىن بولادى.
الماتى وبلىسىندا اتالعان وقۋ جىلىندا مەكتەپ ءبىتىرۋشى تۇلەك سانى 17703 قۇراپ وتىر. ولاردىڭ ىشىندە 1671 ءبىتىرۋشى "التىن بەلگىگە" ۇمىتكەر، ال ۇزدىك اتەستات الۋعا 1352 وقۋشى قۇلىق تانىتۋدا. بولجام بويىنشا 14501 وقۋشى ۇبت تاپسىرۋعا نيەتتى.
ۇبت-نىڭ ەلەكتروندى تۇردە وتكىزىلۋىنىڭ ارتىقشىلىقتارى سىناق تاپسىرۋشى تەستىلەۋ كۇنىن ءوز ەركىمەن تاڭداي الادى. سونىمەن قاتار تەستىلەۋگە 4 ساعات ۋاقىت بەرىلەدى جانە تاپسىرمالاردى كەز-كەلگەن پاننەن باستاي الادى. سونداي-اق بەرىلگەن ۋاقىت اياقتالعانعا دەيىن جاۋاپ بەرىلگەن سۇراقتارعا قايتا ورالىپ، جاۋاپتاردى تۇزەتۋگە مۇمكىندىگى بار. تالاپكەرلەرگە ىڭعايلى بولۋ ءۇشىن ۇبت بارىسىندا كومپيۋتەر ەكرانىندا كالكۋلياتور، مەندەلەەۆ جانە تۇزداردىڭ ەرىگىشتىگى كەستەلەرى قولجەتىمدى بولادى. نەگىزگى شەكتى مەجە 140 بالل. تۇلەكتەر، قازاقستان تاريحى مەن ماتەماتيكالىق ساۋاتتىلىق پاندەرىنەن 15 سۇراقتان، وقۋ ساۋاتتىلىعى – 20, تاڭداۋ پاندەرى - 35, بارلىعى 120 سۇراققا جاۋاپ بەرۋى ءتيىس.
"ۇبت تاپسىرۋشىلار ءۇش مىندەتتى، ەكى تاڭداۋ پانىنەن سىناق تاپسىرادى. ايتا كەتەيىك، تەست تاپسىرۋ بارىسى ۇنەمى بەينەباقىلاۋدا كورىنىپ تۇرادى. مەملەكەتتىك ءبىلىم گرانتىن ۇتىپ الۋعا نيەتتەنگەن ۇمىتكەرلەر ۇلتتىق بىرىڭعاي تەستىلەۋدى ەكى مارتە تاپسىراتىن مۇمكىندىككە يە. مەملەكەتتىك ءبىلىم بەرۋ گرانتىن الۋ كونكۋرسىنا قاتىسۋ ءۇشىن وقۋعا ءتۇسۋشى ەڭ جاقسى ناتيجەسى بار سەرتيفيكاتتى ۇسىنا الادى",- دەيدى الماتى وبلىسى ءبىلىم باسقارماسى باسشىسىنىڭ ورىنباسارى ايجان مامانقىزى.
بۇگىنگى كۇنى ايماقتا كومپيۋتەرلەرمەن جابدىقتالعان 5 پۋنكت ۇبت وتكىزۋگە ارنايى جابدىقتالعان.
ايتا كەتەيىك، تەستىلەۋ بارلىق سانيتارلىق-ەپيدەميولوگيالىق تالاپتاردى ساقتاي وتىرىپ وتكىزىلەدى.
