شىمكەنت قالاسى بويىنشا قازاق كۇرەسى فەدەراتسياسىنىڭ ۆيتسە-پرەزيدەنتى قىزمەتىنە ەرمەك ناعاشىبايۇلى جۇماعاليەۆ تاعايىندالدى. بۇل تۋرالى فەدەراتسيانىڭ ءباسپاسوز قىزمەتى مالىمدەدى، دەپ حابارلايدى «ادىرنا».
ەرمەك جۇماعاليەۆ 1990 جىلعى 30 قاراشادا اقتوبە قالاسىندا دۇنيەگە كەلگەن.
2008 جىلى الماتى قالاسىنداعى قازاق ۇلتتىق اگرارلىق ۋنيۆەرسيتەتىنە وقۋعا ءتۇسىپ، 2012 جىلى «سۋ رەسۋرستارى جانە سۋدى پايدالانۋ» ماماندىعىن تامامداعان. كەيىن قازاق-ورىس حالىقارالىق ۋنيۆەرسيتەتىندە ءبىلىمىن جالعاستىرىپ، 2017 جىلى زاڭگەر ماماندىعى بويىنشا ديپلوم العان. سونىمەن قاتار 2015 جىلى قازاق ۇلتتىق اگرارلىق ۋنيۆەرسيتەتىندە اۋىل شارۋاشىلىعى ماگيسترى دارەجەسىن يەلەنگەن.
2013 جىلى اتالعان ۋنيۆەرسيتەتتىڭ اسكەري كافەدراسىن اياقتاپ، لەيتەنانت اسكەري اتاعىن العان.
ەڭبەك جولىن 2012 جىلى اقتوبە قالاسىنداعى «اقبۇلاق» اق-دا تەحنيكالىق ءبولىم ينجەنەرى رەتىندە باستاعان. 2013–2019 جىلدارى الماتى قالاسىنداعى «الماتى سۋ» مەكەمەسىندە اۋەزوۆ اۋدانىنىڭ ينجەنەرى قىزمەتىن اتقارعان.
2019–2021 جىلدارى الماتى قالاسىنىڭ ەنەرگەتيكا جانە ينفراقۇرىلىمدىق دامۋ باسقارماسىندا سۋ جانە گازبەن جابدىقتاۋ باعىتى بويىنشا باس ماماننان ءبولىم باسشىسىنا دەيىنگى قىزمەت ساتىلارىنان وتكەن. ال 2021–2022 جىلدارى تۇركسىب اۋدانىنىڭ كورىكتەندىرۋ ءبولىمىن باسقارعان.
2022–2023 جىلدارى «ارسناب» جشس تەحنيكالىق قاداعالاۋ كومپانياسىنىڭ ديرەكتورى قىزمەتىن اتقارعان. 2024 جىلدان باستاپ تەكەلى قالاسىندا ەڭبەك ەتىپ، الدىمەن كەڭسە مەڭگەرۋشىسى قىزمەتىنە كىرىسكەن. كەيىن تەكەلى قالاسىنىڭ تۇرعىن ءۇي-كوممۋنالدىق شارۋاشىلىعى، جولاۋشىلار كولىگى، اۆتوموبيل جولدارى جانە تۇرعىن ءۇي ينسپەكتسياسى ءبولىمىنىڭ باسشىسى مىندەتىن ۋاقىتشا اتقارعان.
سونداي-اق ەرمەك جۇماعاليەۆ «الماتى سۋ» شجق مكك كۇردەلى قۇرىلىس دەپارتامەنتىنىڭ ديرەكتورى قىزمەتىن اتقارادى.
