شىمكەنتتە بىرنەشە ادام ءبىر ساۋدا ورنىنان ساتىپ العان ءتاتتى دەسەرتتەن ۋلانىپ قالدى، دەپ حابارلايدى "ادىرنا" ۇلتتىق پورتالى الماتى تەلەارناسىنا سىلتەپ.
بەلگىلى بولعانداي، ءونىمدى دايىنداعان ساۋدا ورنىنىڭ قىزمەتكەرى مەديتسينالىق تەكسەرىستەن وتپەگەن. سالدارىنان، باكتەريا تاسىمالداۋشى بولا تۇرا، تۇتىنۋشىلاردىڭ دەنساۋلىعىنا زيان كەلتىرگەن.
"ساۋدا ورنى قازىر جابىلدى. بىراق قالادا وسىعان ۇقساس تاعى 98 دۇڭگىرشەك جۇمىس ىستەپ تۇر. ولار تەك تۇرعىنداردان شاعىم تۇسكەن جاعدايدا عانا تەكسەرىلەدى", – دەيدى جاۋاپتى ورگاندار.
شىمكەنت قالاسىنىڭ سانيتارلىق-ەپيدەميولوگيالىق باقىلاۋ باسقارماسىنىڭ وكىلى پىكىر ءبىلدىردى.
«تۇرعىندار ءجيى تاماقتاناتىن ساۋدا نۇكتەلەرى مەن كيوسكىلەر، اسىرەسە 50 ورىنعا دەيىنگى قوعامدىق تاماقتانۋ ورىندارى تەك جۇمىسىن باستايتىنىن بىزگە حابارلاۋى ءتيىس. بىراق ولاردان كەيىن ەشقانداي تەكسەرىس جۇرگىزىلمەيدى. سەبەبى ولار تەكسەرۋدەن بوساتىلعان»، - دەلىنگەن رەسمي حابارلامادا.
مالىمەتكە سايكەس، 2025 جىلدىڭ باسىنان بەرى الماتىدا تاماق ونىمدەرىنەن ۋلانعان 25 ادام تىركەلگەن.
