Şymkent qalasy boiynşa Qazaq küresı federasiiasynyŋ vise-prezidentı qyzmetıne Ermek Naǧaşybaiūly Jūmaǧaliev taǧaiyndaldy. Būl turaly Federasiianyŋ baspasöz qyzmetı mälımdedı, dep habarlaidy «Adyrna».
Ermek Jūmaǧaliev 1990 jylǧy 30 qaraşada Aqtöbe qalasynda düniege kelgen.
2008 jyly Almaty qalasyndaǧy Qazaq ūlttyq agrarlyq universitetıne oquǧa tüsıp, 2012 jyly «Su resurstary jäne sudy paidalanu» mamandyǧyn tämamdaǧan. Keiın Qazaq-Orys halyqaralyq universitetınde bılımın jalǧastyryp, 2017 jyly zaŋger mamandyǧy boiynşa diplom alǧan. Sonymen qatar 2015 jyly Qazaq ūlttyq agrarlyq universitetınde auyl şaruaşylyǧy magistrı därejesın ielengen.
2013 jyly atalǧan universitettıŋ äskeri kafedrasyn aiaqtap, leitenant äskeri ataǧyn alǧan.
Eŋbek jolyn 2012 jyly Aqtöbe qalasyndaǧy «Aqbūlaq» AQ-da tehnikalyq bölım injenerı retınde bastaǧan. 2013–2019 jyldary Almaty qalasyndaǧy «Almaty su» mekemesınde Äuezov audanynyŋ injenerı qyzmetın atqarǧan.
2019–2021 jyldary Almaty qalasynyŋ Energetika jäne infraqūrylymdyq damu basqarmasynda su jäne gazben jabdyqtau baǧyty boiynşa bas mamannan bölım basşysyna deiıngı qyzmet satylarynan ötken. Al 2021–2022 jyldary Türksıb audanynyŋ körıktendıru bölımın basqarǧan.
2022–2023 jyldary «Arsnab» JŞS tehnikalyq qadaǧalau kompaniiasynyŋ direktory qyzmetın atqarǧan. 2024 jyldan bastap Tekelı qalasynda eŋbek etıp, aldymen keŋse meŋgeruşısı qyzmetıne kırısken. Keiın Tekelı qalasynyŋ tūrǧyn üi-kommunaldyq şaruaşylyǧy, jolauşylar kölıgı, avtomobil joldary jäne tūrǧyn üi inspeksiiasy bölımınıŋ basşysy mındetın uaqytşa atqarǧan.
Sondai-aq Ermek Jūmaǧaliev «Almaty su» ŞJQ MKK kürdelı qūrylys departamentınıŋ direktory qyzmetın atqarady.
