تسيفرلاندىرۋ جانە اقپاراتتىق تەحنولوگيالار قىزمەتكەرلەرى كۇنىنە وراي «كورمە» ورتالىعىندا «Shymkent AI Forum – 2026» وڭىرلىك فورۋمى باستالدى.⠀
⠀
اۋقىمدى جيىننىڭ نەگىزگى ماقساتى — وڭىردە جاساندى ينتەللەكت پەن تسيفرلىق تەحنولوگيالاردى ىلگەرىلەتۋ، تىڭ جوبالاردى كوپشىلىككە تانىستىرۋ، IT-كومپانيالار مەن ستارتاپتار اراسىنداعى ارىپتەستىكتى ارتتىرۋ جانە تەحنولوگيالىق كاسىپكەرلىككە سەرپىن بەرۋ.⠀
⠀
فورۋمعا مەملەكەتتىك ورگانداردىڭ وكىلدەرى، IT سالاسىنىڭ ماماندارى، كاسىپكەرلەر، ستارتاپ وكىلدەرى، سالا ساراپشىلارى، جوعارى وقۋ ورىندارىنىڭ وقىتۋشىلارى مەن ستۋدەنتتەرى — بارلىعى 500-گە جۋىق ادام جينالدى.⠀
⠀
باعدارلاما اياسىندا تسيفرلاندىرۋ مەن جاساندى ينتەللەكتتىڭ وزەكتى ماسەلەلەرىن قامتيتىن ءتورت پانەلدىك وتىرىس وتەدى. قاتىسۋشىلار «تسيفرلىق شىمكەنت: سىن-قاتەرلەر جانە الداعى مىندەتتەر»، «AI داۋىرىندەگى ستارتاپتار»، «Why MedTech?» جانە «AI & ML. ەرتەڭ نە ىستەيمىز؟» تاقىرىپتارىن تالقىلايدى. تالقىلاۋلارعا 14 بايانداماشى مەن 4 مودەراتور قاتىسادى.⠀
⠀
كورمە ايماعىندا تەحنولوگيالىق جوبالار كەڭىنەن تانىستىرىلدى. Startup Alley الاڭىندا ستارتاپتار ءوز ازىرلەمەلەرىن ۇسىنسا، وزگە كومپانيالار تەحنولوگيالىق شەشىمدەرىن جەكە ستەندتەردە كورسەتىپ وتىر.⠀
⠀
سونىمەن قاتار قاتىسۋشىلار ءۇشىن مەديتسينالىق تەحنولوگيالار سالاسىنداعى جاڭاشىل جوبالاردى ۇسىنعان 10 كوماندا سىنعا تۇسەتىن «MedTech Startup Battle» بايقاۋى ۇيىمداستىرىلدى. بايقاۋدىڭ جۇلدە قورى — 1 ميلليون تەڭگە.⠀
⠀
فورۋم اياسىندا روبوتوتەحنيكاعا ارنالعان Robo Zone مەن Game Zone ينتەراكتيۆتى الاڭدارى دا جۇمىس ىستەيدى. مۇندا كەلۋشىلەر زاماناۋي تەحنولوگيالارمەن جانە جاڭا تسيفرلىق شەشىمدەرمەن تاجىريبە جۇزىندە تانىسا الادى.⠀
⠀
«Shymkent AI Forum – 2026» — مەملەكەتتىك سەكتوردى، IT-بيزنەستى، جوعارى وقۋ ورىندارىن جانە ستارتاپ-قاۋىمداستىقتى توعىستىرعان ماڭىزدى تەحنولوگيالىق الاڭ. فورۋم قورىتىندىسى ءوڭىردىڭ تسيفرلىق جانە يننوۆاتسيالىق الەۋەتىن ارتتىرۋعا، تەحنولوگيالىق جوبالاردى دامىتۋعا جانە سالا وكىلدەرى اراسىنداعى ارىپتەستىكتى كەڭەيتۋگە جاڭا مۇمكىندىكتەر اشادى دەپ كۇتىلۋدە.
