شىمكەنتتە كىسى قولىنان قازا تاپقان نۇراي سەرىكبايدىڭ ولىمىنە قاتىستى قىلمىستىق ءىس بويىنشا العاشقى سوت وتىرىسى ايىپتالۋشىنىڭ كەلمەۋىنە بايلانىستى كەيىنگە قالدىرىلدى، دەپ حابارلايدى "ادىرنا" ۇلتتىق پورتالى.
ءىس شىمكەنت قالاسىنىڭ مامانداندىرىلعان اۋدانارالىق قىلمىستىق سوتىندا قارالا باستادى. العاشقى سوت وتىرىسى شامامەن 15 مينۋتقا سوزىلعان. مارقۇمنىڭ وتباسىنىڭ ادۆوكاتى ايانحان وماروۆتىڭ ايتۋىنشا، ايىپتالۋشى جەدەل رەسپيراتورلىق ۆيرۋستىق ينفەكتسيامەن (جرۆي) اۋىرىپ، دەنە قىزۋىنىڭ كوتەرىلۋىنە بايلانىستى سوتقا قاتىسا الماعان.
«وعان دەنساۋلىق جاعدايىنا بايلانىستى سوت وتىرىسىنا قاتىسا المايتىنى جونىندە مەديتسينالىق انىقتاما بەرىلگەن»، – دەدى ادۆوكات.
وسىعان بايلانىستى سوت ءىستى قاراۋدى كەيىنگى كۇنگە قالدىردى. جاڭا سوت وتىرىسىنىڭ كۇنى قوسىمشا حابارلانادى.
