قۇرمانبەك جۇماعالي شاكەن ايمانوۆ اتىنداعى «قازاقفيلم» ۇلتتىق كينوستۋدياسى پرەزيدەنتى بولىپ تاعايىندالدى. بۇل تۋرالى بۇگىن، 18 قاراشادا كينوستۋديانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
بۇعان دەيىن ول «ۇلتتىق كينونى قولداۋ مەملەكەتتىك ورتالىعى» كەاق باسقارما توراعاسى قىزمەتىن اتقارعان.
قۇرمانبەك جۇماعالي ەڭبەك جولىن 2004 جىلى باستاعان. ءار جىلدارى «قازاقستان» رترك-دا ءتۇرلى باسشىلىق قىزمەتتەر اتقارىپ، قاراعاندى وبلىسى اكىمىنىڭ كەڭەسشىسى، ماڭعىستاۋ وبلىسى ىشكى ساياسات باسقارماسى باسشىسىنىڭ ورىنباسارى، كەيىن باسقارما باسشىسى، «قازاق راديولارى» ديرەكتورى، «قازاقستان» رترك باسقارما توراعاسىنىڭ ءبىرىنشى ورىنباسارى بولعان.
2019–2021 جىلدارى «استانا» تەلەارناسىنىڭ باس ديرەكتورى، ال 2021–2023 جىلدارى «31 ارنا» تەلەارناسىنىڭ باس ديرەكتورى قىزمەتىن اتقارعان.
2023 جىلعى شىلدەدەن باستاپ بۇگىنگى ۋاقىتقا دەيىن «ۇلتتىق كينونى قولداۋ مەملەكەتتىك ورتالىعى» كەاق باسقارما توراعاسى بولىپ قىزمەت ەتكەن.
ەسكە سالا كەتەيىك، بۇعان دەيىن ازامات ساتىبالدى «قازاقفيلمدە» باسشىلىق قىزمەتتە جۇرگەن كەزىندە وزىنە ءتۇرلى قىسىم بولعانىن جەتكىزگەن ەدى.
