بۇگىن ەلوردادا «قازاقستان رەسپۋبليكاسى اسكەري عىلىمىنىڭ دامۋ بولاشاعى. ماسەلەلەرى مەن ولاردى شەشۋ جولدارى» تاقىرىبىندا دوڭگەلەك ۇستەل ءوتتى، دەپ حابارلايدى "ادىرنا" ۇلتتىق پورتالى.
شارانىڭ نەگىزگى ماقساتى – اسكەري عىلىمنىڭ دامۋىنا سەرپىن بەرۋ. «اسكەري-سترەتەگيالىق زەرتتەۋ ورتالىعى» اق ۇيىمداستىرعان شاراعا وتاندىق عىلىم مەن اسكەري سالاداعى بىلىكتى ماماندار قاتىسىپ، وي ءبولىستى.
ءسوز باسىن قازاقستان رەسپۋبليكاسى پرەزيدەنتى جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسىنىڭ باسقارما پرەزيدەنتى كۇنسۇلۋ زاكاريا باستاپ بەردى. ودان وزگە «اسكەري-ستراتەگيالىق زەرتتەۋلەر ورتالىعى» اق ديرەكتورلار كەڭەسىنىڭ توراعاسى ايگۇل تۇلەمباەۆا، زاپاستاعى گەنەرال-مايور اسحات رىسپاەۆ سەكىلدى ازاماتتار ويلارىن ورتاعا سالدى. اسكەري عىلىمنىڭ دامۋ بولاشاعى تۋرالى ءتۇرلى ۇسىنىستار ايتىلىپ، شەشۋ جولدارى ءسوز بولدى.
دوڭگەلەك ۇستەل قورىتىندىسى بويىنشا اسكەري عىلىمنىڭ نەگىزگى ماسەلەلەرى انىقتالىپ، ونى شەشۋگە باعىتتالعان تۇجىرىمدامالار دايىندالاتىن بولدى.
"ادىرنا" ۇلتتىق پورتالى
