اكتەر، بلوگەر نۇرسۇلتان جاقسىگەن 2 جىل 3 ايعا سوتتالدى. بۇل تۋرالى ونىڭ ەكس-جۇبايى فاريزا الماسقىزىنىڭ ادۆوكاتى ايتتى، دەپ حابارلايدى «ادىرنا» ءتىلشىسى.
«سوت نۇرسۇلتان جاقسىگەندى كىنالى دەپ تانىپ، وعان 2 جىل 3 اي مەرزىمگە باس بوستاندىعىنان ايىرۋ جازاسىن تاعايىندادى. جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيدى»،– دەدى رۋستام ءابدىراحمانوۆ.
سوت سونداي-اق وعان بەس جىل بويى الەۋمەتتىك جەلىلەردى پايدالانۋعا تىيىم سالعان. اڭگىمە بارىسىندا Instagram مەن TikTok پلاتفورمالارى اتالعان. بۇدان بولەك، بلوگەردەن مورالدىق شىعىن وتەماقىسى رەتىندە 5 ميلليون تەڭگە ءوندىرىپ الۋ تۋرالى شەشىم شىعارىلعان.
سوت ۇكىمى جاريالانعاننان كەيىن نۇرسۇلتان جاقسىگەن سوت زالىندا قاماۋعا الىندى.
ەسكە سالايىق، بلوگەر فاريزا المازقىزىمەن اجىراسقاننان كەيىن ەكس-جۇبايىن بالاعاتتاپ، حابارلامالار جىبەرگەن. كەيىننەن نۇرسۇلتان جاقسىگەننىڭ ۇستىنەن بۇرىنعى ايەلىنە ستالكينگ جاساعانى ءۇشىن ءىس قوزعالعانى بەلگىلى بولدى.
