تەمىرتاۋدا ەكى جاسار ۇلىن ايۋاندىقپەن ولتىرگەن وگەي اكە ءومىر بويىنا باس بوستاندىعىنان ايىرىلدى، حابارلايدى “ادىرنا».
سوت 8 قاراشادا وتكەن. سوت وتىرىسىندا ايىپتالۋشىنىڭ ەرەكشە قاتىگەزدىكپەن جاساعان قىلمىسى ايتىلدى.
“2023 جىلدىڭ 23 ناۋرىزىندا تەمىرتاۋداعى پاتەرلەردىڭ بىرىنەن ەكى جاسار ءسابيدىڭ ءمايىتى تابىلدى. كۇدىكتى 24 ناۋرىزدا ۇستالدى. ول كىناسىن مويىندادى. 27 ناۋرىزدا قاماۋعا الىندى”، – دەلىنگەن حابارلامادا.
دەرەكتەرگە ساي بالانىڭ جۇرەك تۇسىنداعى پىشاق جاراقاتتارىنان بولەك، قولى دا سىنعان. اناسىنىڭ ايتۋىنشا، كۇيەۋى ۇستالعان كەزدە ونىڭ قولدارىندا تىلىك بولعان. ول ءوز تامىرىن كەسپەك بولعان. ال تەرگەۋ بارىسىندا تۇرمەگە تۇسپەس ءۇشىن وزىن جىندى ەتىپ كورسەتكىسى كەلگەن.
ەر ادام ءومىر بويىنا باس بوستاندىعىنان ايىرىلدى.
ەسكە سالساق، تەمىرتاۋدا ەر ادام ازاماتتىق نەكەدە تۇرعان ايەلىنىڭ بالاسىن ولتىرگەن. كەيىن ءبۇلدىرشىننىڭ اناسى كۇيەۋىنىڭ بالالار ۇيىندە تاربيەلەنگەن، بۇرىنعى اسكەري قىزمەتكەر بولعانى تۋرالى دەرەكتەرمەن ءبولىستى. 18 رەت پىشاقتاعان ازاماتتىڭ مۇنداي قاتىگەزدىك كورسەتۋىنە نە سەبەپ بولعانى بەلگىسىز.
