مادەنيەت جانە اقپارات ءمينيسترى ايدا بالاەۆا بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ سوتىنا رەسەيلىك جۋرناليست كسەنيا سوبچاكتىڭ كەلۋىنە قاتىستى پىكىر ءبىلدىردى. بۇل تۋرالى ول ءماجىلىس كۋلۋارىندا باق وكىلدەرىنىڭ سۇراعىنا جاۋاپ بەرە ايتتى، دەپ حابارلايدى “ادىرنا” ۇلتتىق پورتالى.
ايدا بالاەۆا سوتقا رەسەيلىك جۋرناليست كسەنيا سوبچاكتىڭ كەلۋىنە رۇقسات بەرمەگەنىن ايتتى.
«ارينە جوق»، - دەپ جاۋاپ بەردى بالاەۆا جۋرناليستەر كسەنيا سوبچاكتىڭ ساپارى كەلىسىلدى مە دەگەن سۇراققا.
جۋرناليست اينۇر قوسكينا سوبچاكتىڭ كەلۋىنە بايلانىستى ءبىزدىڭ جۋرناليستەردىڭ سوت عيماراتىن اينالىپ وتۋىنە كەدەرگى بولعانىن حابارلادى.
باق وكىلى مينيسترگە «بۇگىن ەكس-مينيستر قۋاندىق بيشىباەۆتىڭ سوتىنا رەسەيلىك تەلەجۇرگىزۋشى كسەنيا سوبچاك كەلدى. بۇل مادەنيەت ءجان اقپارات مينيسترلىگىمەن كەلىسىمى بولدى ما؟ شەتەلدىك جۋرناليست رەتىندە وعان باسىمدىق بەرىلدى مە؟ «دەگەن ساۋال جولدادى.
ۆەدومستۆو باسشىسى ايدا بالاەۆا بۇل اقپاراتتى باق اقپارات تاراعاننان كەيىن بىلگەنىن ايتتى.
«مۇنى قارايمىز. ءوزىم دە ءجۋرناليستىڭ كەلگەنى تۋرالى اقپاراتتى باق-تان كوردىم. وقيعانىڭ ءمان-جايىن انىقتايمىن. ايتپاقشى، مەن سوت پروتسەسىن باقىلاپ جۇرگەن جوقپىن جانە ونى سىزدەردىڭ ماتەريالدارىڭىزدان بىلەمىن»، – دەدى بالاەۆا.
باق وكىلدەرىنىڭ ايتۋىنشا، ول جەردەگى سوبچاكتىڭ ارتىقشىلىعى: ول وتىرادى، باسقالارى تۇرەگەپ تۇرعان.
بالاەۆا بۇعان قاتىستى جاعدايدى انىقتايتىنىن ايتتى.
ايتا كەتەيىك، بۇعان دەيىن رەسەيلىك جۋرناليست كسەنيا سوبچاكتىڭ ەكس-مينيستر قۋاندىق بيشىمباەۆتىڭ سوتىنا قاتىسقانىن حابارلاعان ەدىك. سوندا سوتتىڭ ءباسپاسوز قىزمەتى رەسەيلىك ءجۋرناليستىڭ اككرەديتاتسيادان وتكەنىن راستادى.
