اباي اۋدانىنىڭ ورتالىعى قاراۋىل اۋىلىندا وتاندىق كينو قورىن جاڭا تۋىندىمەن تولىقتىرعان «قارا التىن» ءفيلمىنىڭ ارنايى كورسەتىلىمى ءوتتى.
10 قىركۇيەكتەن باستاپ ەلىمىزدىڭ بارلىق كينوتەاترلارىندا كورەرمەنگە جول تارتقان ءفيلمدى قاراۋىل تۇرعىندارى دا تاماشالاۋ مۇمكىندىگىنە يە بولدى. ارنايى كورسەتىلىمگە ءفيلمنىڭ شىعارماشىلىق توبى ارنايى كەلىپ، كورەرمەندەرمەن جۇزدەستى.
ءىس-شاراعا فيلم رەجيسسەرى مۇرات ەسجان، اكتريسا ايساۋلە ءابىلدا جانە باستى ءرولدى سومداعان اكتەر قۋاندىق قىستىقباي قاتىستى. شىعارماشىلىق توپ وكىلدەرى تۋىندىنىڭ يدەياسى، ءتۇسىرىلىم بارىسى مەن اكتەرلىك قۇرام تۋرالى ايتىپ، كورەرمەندەردىڭ سۇراقتارىنا جاۋاپ بەردى.
«قارا التىن» ءفيلمى اۋدان تۇرعىندارىنىڭ كوڭىلىنەن شىعىپ، كورەرمەن تاراپىنان جوعارى باعالاندى. كورسەتىلىمنەن كەيىن تۇرعىندار ءفيلمنىڭ مازمۇنى مەن اكتەرلەردىڭ شەبەرلىگىنە قاتىستى ءوز پىكىرلەرىن ءبىلدىردى.
اۋدان اكىمى مەيىرجان سەرىكبوسىنۇلى فيلم ۇجىمىن جاڭا تۋىندىنىڭ جارىق كورۋىمەن قۇتتىقتاپ، شىعارماشىلىق توپقا ارنايى سىي-قۇرمەت كورسەتتى.
قازاق كينوسىنىڭ دامۋىنا وزىندىك ۇلەس قوساتىن «قارا التىن» ءفيلمى – ۇلتتىق ونەردى دارىپتەپ، وتاندىق كينوعا كورەرمەن قىزىعۋشىلىعىن ارتتىرۋعا باعىتتالعان جاڭا تۋىندىلاردىڭ ءبىرى.
قاراۋىلداعى ارنايى كورسەتىلىم شىعارماشىلىق توپ پەن اۋدان تۇرعىندارىنىڭ اراسىنداعى مازمۇندى كەزدەسۋگە ۇلاسىپ، قازاق كينوسىنا دەگەن كورەرمەن ىقىلاسىنىڭ جوعارى ەكەنىن كورسەتتى.
