نۇرسۇلتان نازارباەۆ "QAZAQ: يستوريا زولوتوگو چەلوۆەكا" فيلمىنە بەرگەن سۇحباتىندا ميحايل گورباچەۆ پەن بوريس ەلتسيننىڭ تەكەتىرەسىن ەسكە الدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
ەلباسى كسرو-نىڭ ىدىراۋى تۋرالى ەستەلىكتەرىن ءبولىستى.
"گورباچەۆ مەنەن 10 جاس ۇلكەن بولدى، بىراق ءبىر بۋىننانبىز. ءبىر ساياسي تاربيەنى كوردىك. ءبىر-ءبىرىمىزدى بىلەتىنبىز. ءبىر جۇيەدەن شىقتىق. ءبىر قىزىعى، ەلتسين دە مەنىمەن دوس بولعىسى كەلگەن. ونىمەن وتە جاقسى سويلەستىك. مەن ولاردىڭ تەكەتىرەسىنە كۋا بولدىم جانە تاتۋلاستىرۋعا تىرىستىم".
"كەڭەس وداعى ىدىراعان ساتتەردىڭ ءبىرى. ەلتسين گورباچەۆتىڭ شاقىرۋىمەن ماسكەۋگە باردى. كوكپ ورتالىق كوميتەتىنىڭ حاتشىسى. بىراق ول ساياسي بيۋرونىڭ مۇشەسى بولامىن دەپ ويلادى. بىراق گورباچەۆ ونى سايلاعان جوق. بۇل وعان قاتتى ءتيدى", - دەپ ەسكە الدى نۇرسۇلتان نازارباەۆ.
"ونىڭ نارازىلىعىن وپپوزيتسيا پايدالانىپ، ەلتسيندى گورباچەۆتان "الشاقتاتا" باستادى".
"مەن ولاردىڭ تەكەتىرەسىنە كۋا بولدىم. گورباچەۆتىڭ كابينەتىندە وتىر ەدىم، ەلتسين كىرىپ كەلدى. ولار قاتتى-قاتتى سويلەسە باستادى. ىڭعايسىز بولدى. ەلتسين: "مەن سەنىڭ ورنىڭا وتىرامىن". مەن ورنىمنان تۇرىپ، شىعىپ كەتپەك بولدىم. گورباچەۆ، وتىر دەدى. ول (گورباچەۆ) "مەن پرەزيدەنت بولىپ تۇرعاندا ما" دەدى. ال ەلتسين: ء"يا. ازىرگە". كەيىن ول كەتىپ قالدى. ەلتسيننىڭ كوزىن وشپەندىلىك باسىپ كەتتى. ونىڭ ءبىر عانا ارمانى بار ەدى - گورباچەۆتى شىعارۋ".
نۇرسۇلتان نازارباەۆتىڭ "QAZAQ: يستوريا زولوتوگو چەلوۆەكا" اتتى سەگىز ءبولىمدى ءفيلمى تانىمال امەريكالىق رەجيسسەر وليۆەر ستوۋنعا بەرگەن سۇحباتىنا نەگىزدەلگەن. 1 جەلتوقساندا رەسپۋبليكالىق تەلەارنالار ەفيرىندە كارتينانىڭ كورسەتىلىمى باستالدى.
“ادىرنا” ۇلتتىق پورتالى
