جىل سايىن ەلىمىزدە مەملەكەتتىك اقپاراتتىق ساياساتقا بولىنەتىن ميللياردتاعان قارجىنىڭ قايدا كەتەتىنى بەلگىسىز، دەپ حابارلايدى "ادىرنا" ءتىلشىسى Orda.kz - كە سىلتەپ.
Orda.kz مالىمەتىنشە، «حابار» حولدينگىنىڭ وكىلدەرى تۋعان اعا-ىنىلەرىنىڭ فيرمالارىمەن ميلليونداعان قارجىعا كەلىسىمشارت جاساعانى انىقتالىپ، ءتىپتى سينوپسيسكە ساي كەلمەيتىن فيلمدەر تۇسىرگەنى ايتىلۋدا.
2019 جىل مەن 2021 جىلدارى مەملەكەتتىك اقپاراتتىق ساياساتتى ورىنداۋعا مەملەكەت قارجىسىنان 153 ملرد تەڭگە بولىنگەن. ال ونىڭ 12 ملرد تەڭگەسى ءتيىمسىز جۇمسالعان بولىپ شىقتى. ال قازاقستاندا 3600-دەن استام باق تىركەلسە، بولىنگەن قاراجاتتىڭ 80%-ى اقپارات مينيسترلىگىنە باعىنىستى ءۇش ۇيىمنىڭ قالتاسىنا تۇسكەن. ولار:
- «قازاقستان» اق — 69 ملرد تەڭگە (42,4 %),
- «حابار» اق — 51 ملرد تەڭگە (31,4 %),
- «قازتەلەراديو» — 9 ملرد تەڭگە (5,6 %).
بۇرىنعى پرەزيدەنت نۇرسۇلتان نازارباەۆ تۋرالى “سترويتەل نەزاۆيسيموستي» / «چەلوۆەك ەپوحا: دالشە ي ۆىشە مەچتى” اتتى ءفيلمدى ءتۇسىرۋ كەزىندە دە بىرنەشە ولقىلىقتار انىقتالعان. بۇل تۇستا«حابار» اق-مەن جاساعان كەلىسىمشارتقا سايكەس ءفيلمدى دايىنداۋعا بيۋدجەتتەن 40 ملن تەڭگە جۇمسالعان. ونىڭ ىشىندە:
- 17,4 ملن تەڭگە — قالاماقىعا;
- 3,2 ملن تەڭگە — جابدىقتى جالعا الۋعا;
- 11 ملن تەنگە — وندىرىستىك شىعىندارعا;
- 8,4 ملن تەنگە — ءتۇسىرىلىم توبىنىڭ شەت مەملەكەتتەرگە ءىسساپار شىعىندارىنا (توعىز ادام)
كوپ قارجى بولىنگەن ءفيلمدى "حاباردىڭ" يۋتۋب ارناسىندا تەك 6 مىڭعا جۋىق ادام عانا قاراعان. ال فيلم ارحيۆ كادرلارىنان جانە جەتى قازاقستاندىق قوعام قايراتكەرىنىڭ پىكىرىنەن تۇرادى.
ەسەپ كوميتەتىنىڭ اۋديتورلارىنىڭ ەسەبى بويىنشا 8,4 ملن تەڭگە قارجى قحر توراعاسى سي تسزينپين، رف پرەزيدەنتى ۆلاديمير پۋتين، تۇركيانىڭ پرەزيدەنتى ەردوعان، وزبەكستان پرەزيدەنتى ميرزيوەۆ جانە تاعى باسقالار سياقتى بىرقاتار مەملەكەتتەردىڭ باسشىلارىمەن سۇحبات جاساۋعا بولىنگەنى ايتىلعان.
فيلم ءۇشىن تۇسىرىلگەن سۇحباتتا پرەزيدەنتتەر قازاقستاننىڭ باستى جەتىستىكتەرى جانە وسى پروتسەستەگى نازارباەۆتىڭ ءرولى تۋرالى بايانداپ بەرگەنىمەن كادر فيلمدە جوق.
اگەنتتىك پەن «التىن-بەك» جك اراسىندا سوت بولىپ، ناتيجەسىندە 8,4 ملن تەڭگە قارجىنى جانە 252 000 تەڭگە كولەمىندەگى مەملەكەتتىك باج تولەۋ شىعىندارىن "حابارعا" قايتارىپ بەرگەن.
«جاۋاپ بەرۋشى سوتقا كورسەتىلگەن قاراجاتتىڭ ماقساتتى جۇمسالعانى تۋرالى راستايتىن قۇجاتتاردى ۇسىنباعان. جاۋاپ بەرۋشىنىڭ پاندەمياعا بايلانىستى شەكتەۋلەر ەنگىزىلگەنى تۋرالى دالەلدەرىن سوت كەرىسىنشە دالەل رەتىندە قابىلداي المايدى»، – دەلىنگەن استانا سوتىنىڭ شەشىمىندە.
