مەملەكەت باسشىسى قاسىم-جومارت توقاەۆ ۆيتسە-پرەزيدەنت پەن پرەمەر-ءمينيستردىڭ كانديداتۋرالارىن قاشان ۇسىناتىنىن ايتتى. بۇل تۋرالى مەملەكەت باسشىسى ءبىرىنشى شاقىرىلىمداعى قازاقستان رەسپۋبليكاسى قۇرىلتايىنىڭ ءبىرىنشى سەسسياسىندا مالىمدەدى، دەپ حابارلايدى "ادىرنا".
"اتا زاڭعا سايكەس ۇكىمەت جاڭادان سايلانعان قۇرىلتاي الدىندا ءوز وكىلەتتىگىن توقتاتادى. سوندىقتان قۇرىلتايدىڭ قۇرىلىمى جاساقتالعان سوڭ مەن وزدەرىڭىزگە ۆيتسە-پرەزيدەنتتىڭ جانە پرەمەر-ءمينيستردىڭ كانديداتۋرالارى بويىنشا ۇسىنىس ەنگىزەمىن. سودان كەيىن سىزدەرمەن اقىلداسىپ، ۇكىمەت مۇشەلەرىن تاعايىندايمىن. سونىمەن قاتار جاڭا لاۋازىمدى – قاۋىپسىزدىك كەڭەسى توراعاسىنىڭ ورىنباسارىن تاعايىندايمىن", - دەدى پرەزيدەنت.
سونداي-اق مەملەكەت باسشىسى قۇرىلتاي مەن ۇكىمەت قۇرامى تولىق ايقىندالعان سوڭ جىل سايىنعى قازاقستان حالقىنا جولداۋىن جاريالايدى.
"جولداۋدا كوتەرىلگەن بارلىق باستامانى اتقارۋشى جانە زاڭ شىعارۋشى بيلىك وكىلدەرى بىرلەسىپ، ۋاقتىلى ءارى ساپالى جۇزەگە اسىرۋعا ءتيىس. لاۋازىمدى تۇلعالاردىڭ ءبارى، اسىرەسە، قىزمەتىنە ەندى كىرىسەتىن ازاماتتار الدىمىزدا تۇرعان ورتاق ماقسات-مىندەتتەردى ءبىلۋى كەرەك", - دەدى توقاەۆ.
