Memleket basşysy Qasym-Jomart Toqaev Vise-prezident pen Premer-ministrdıŋ kandidaturalaryn qaşan ūsynatynyn aitty. Būl turaly Memleket basşysy bırınşı şaqyrylymdaǧy Qazaqstan Respublikasy Qūryltaiynyŋ bırınşı sessiiasynda mälımdedı, dep habarlaidy "Adyrna".
"Ata zaŋǧa säikes Ükımet jaŋadan sailanǧan Qūryltai aldynda öz ökılettıgın toqtatady. Sondyqtan Qūryltaidyŋ qūrylymy jasaqtalǧan soŋ men özderıŋızge Vise-prezidenttıŋ jäne Premer-ministrdıŋ kandidaturalary boiynşa ūsynys engızemın. Sodan keiın sızdermen aqyldasyp, Ükımet müşelerın taǧaiyndaimyn. Sonymen qatar jaŋa lauazymdy – Qauıpsızdık Keŋesı töraǧasynyŋ orynbasaryn taǧaiyndaimyn", - dedı Prezident.
Sondai-aq Memleket basşysy Qūryltai men Ükımet qūramy tolyq aiqyndalǧan soŋ jyl saiynǧy Qazaqstan halqyna Joldauyn jariialaidy.
"Joldauda köterılgen barlyq bastamany atqaruşy jäne zaŋ şyǧaruşy bilık ökılderı bırlesıp, uaqtyly ärı sapaly jüzege asyruǧa tiıs. Lauazymdy tūlǧalardyŋ bärı, äsırese, qyzmetıne endı kırısetın azamattar aldymyzda tūrǧan ortaq maqsat-mındetterdı bıluı kerek", - dedı Toqaev.
