اقش پرەزيدەنتى دونالد ترامپ ساۋد ارابياسىمەن يادرولىق ەنەرگەتيكا سالاسىنداعى ىنتىماقتاستىق تۋرالى كەلىسىمدى قاراۋ ءۇشىن كونگرەسكە جىبەردى. بۇل تۋرالى The Wall Street Journal باسىلىمى جازدى، دەپ حابارلايدى «ادىرنا» ءتىلشىسى.
باسىلىمنىڭ مالىمەتىنشە، ترامپ كورولدىك يزرايلمەن قارىم-قاتىناسىن قالىپقا كەلتىرۋى ءتيىس دەگەن شارتتى الىپ تاستاماعان.
اق ءۇي وكىلىنىڭ سوزىنشە، ازاماتتىق اتوم ەنەرگەتيكاسى سالاسىنداعى ىنتىماقتاستىق تۋرالى كەلىسىم ساۋد ارابياسى «اۆراام كەلىسىمدەرىنە» قوسىلعاننان كەيىن عانا كۇشىنە ەنەدى.
«اۆراام كەلىسىمدەرى» — يزرايل مەن اراب مەملەكەتتەرى اراسىنداعى قارىم-قاتىناستى قالىپقا كەلتىرۋگە باعىتتالعان كەلىسىمدەر. 2020-2021 جىلدارى مۇنداي كەلىسىمدەرگە بىرىككەن اراب امىرلىكتەرى، باحرەين، ماروككو جانە سۋدان قوسىلعان.
اقش پەن ساۋد ارابياسى اراسىنداعى كەلىسىمگە شىلدە ايىندا قول قويىلعان. قۇجات امەريكالىق تەحنولوگيالاردى ازاماتتىق يادرولىق نىساندار ءۇشىن ەكسپورتتاۋدى كوزدەيدى. الايدا ساۋد ارابياسىنىڭ «اۆراام كەلىسىمدەرىنە» قوسىلۋى ۆاشينگتون مەن ەر-رياد اراسىنداعى كەلىسسوزدەردىڭ ەشبىر كەزەڭىندە تالقىلانباعان. بۇل تۋرالى كاتارلىق Middle East Eye باسىلىمى حابارلاعان. ال CNN مالىمەتىنشە، بۇل باستاما ترامپتىڭ كەلىسسوز بارىسىندا جاساعان توسىن ۇسىنىسى بولعان.
