AQŞ prezidentı Donald Tramp Saud Arabiiasymen iadrolyq energetika salasyndaǧy yntymaqtastyq turaly kelısımdı qarau üşın Kongreske jıberdı. Būl turaly The Wall Street Journal basylymy jazdy, dep habarlaidy «Adyrna» tılşısı.
Basylymnyŋ mälımetınşe, Tramp koroldık İzrailmen qarym-qatynasyn qalypqa keltıruı tiıs degen şartty alyp tastamaǧan.
Aq üi ökılınıŋ sözınşe, azamattyq atom energetikasy salasyndaǧy yntymaqtastyq turaly kelısım Saud Arabiiasy «Avraam kelısımderıne» qosylǧannan keiın ǧana küşıne enedı.
«Avraam kelısımderı» — İzrail men arab memleketterı arasyndaǧy qarym-qatynasty qalypqa keltıruge baǧyttalǧan kelısımder. 2020-2021 jyldary mūndai kelısımderge Bırıkken Arab Ämırlıkterı, Bahrein, Marokko jäne Sudan qosylǧan.
AQŞ pen Saud Arabiiasy arasyndaǧy kelısımge şılde aiynda qol qoiylǧan. Qūjat amerikalyq tehnologiialardy azamattyq iadrolyq nysandar üşın eksporttaudy közdeidı. Alaida Saud Arabiiasynyŋ «Avraam kelısımderıne» qosyluy Vaşington men Er-Riiad arasyndaǧy kelıssözderdıŋ eşbır kezeŋınde talqylanbaǧan. Būl turaly katarlyq Middle East Eye basylymy habarlaǧan. Al CNN mälımetınşe, būl bastama Tramptyŋ kelıssöz barysynda jasaǧan tosyn ūsynysy bolǧan.
