مەملەكەت باسشىسى قاسىم-جومارت توقاەۆ اقش پرەزيدەنتىمەن سويلەستى، دەپ حابارلايدى "ادىرنا" ۇلتتىق پورتالى اقورداعا سىلتەپ.
قاسىم-جومارت توقاەۆ پەن دونالد ترامپ تەلەفون ارقىلى ەكىجاقتى جانە حالىقارالىق كۇن ءتارتىبى، سونىڭ ىشىندە ۋكراينا ماسەلەسى بويىنشا مازمۇندى اڭگىمە ءوربىتتى.
سويلەسۋ بارىسىندا قاسىم-جومارت توقاەۆ بيىل قاراشادا ۆاشينگتونعا جاساعان ساپارى كەزىندە قول جەتكىزىلگەن ۋاعدالاستىقتاردى تولىق ىسكە اسىرۋعا نيەتتى ەكەنىن جەتكىزدى. پرەزيدەنت ۋكرايناداعى قاقتىعىستىڭ كۇردەلى سيپاتىنا، ونىڭ ىشىندە تەرريتوريالىق كەلىسپەۋشىلىكتەردىڭ باستى ماسەلە بولىپ وتىرعانىنا نازار اۋداردى. وسى ورايدا، ەكى تاراپتىڭ مامىلەگە كەلۋى اسا ماڭىزدى ەكەنىن اتاپ ءوتتى.
قازاقستان بارلىق تاراپتى توزىمدىلىك، يكەمدىلىك جانە كاسىبيلىك تانىتىپ، بەيبىتشىلىك فورمۋلالارىن ىزدەۋدى جالعاستىرۋعا شاقىرادى. ەل ارااعايىن بولماسا دا، قاجەت بولعان جاعدايدا كەلىسسوز الاڭىن ۇسىنۋعا دايىن.
سونىمەن قاتار، قاسىم-جومارت توقاەۆ دونالد ترامپتىڭ كوشباسشىلىق قاسيەتتەرى ارقاسىندا بىرقاتار حالىقارالىق اسكەري قاقتىعىس توقتاپ، اقش-تىڭ ىشكى الەۋەتى كۇشەيگەنىن اتاپ ءوتتى. مەملەكەت باسشىسى اقش پرەزيدەنتىن قازاقستانعا ساپارمەن كەلۋگە شاقىرىپ، بۇل تاريحي وقيعا بولاتىنىنا سەنىم ءبىلدىردى.
بۇل تەلەفون اڭگىمەسى ەكى ەل اراسىنداعى قارىم-قاتىناستىڭ ودان ءارى تەرەڭدەۋى مەن ستراتەگيالىق ارىپتەستىكتى نىعايتۋعا ماڭىزدى سەرپىن بەرەدى.
